Forsætisráðherra mun ekki reka seðlabankastjórana

Geir Haarde segir ekki rétt að persónugera þann vanda sem kominn er upp í efnahagslífi þjóðarinnar í persónum seðlabankastjóranna þriggja og segist ekki ætla að reka þá úr starfi. Þetta kom fram viðtali við Geir í Kastljósinu í kvöld.

Ólafur F. íhugar málsókn gegn Daily Mail

Ólafur F. Magnússon, fyrrverandi borgarstjóri, íhugar að höfða mál gegn breska dagblaðinu Daily Mail vegna nýlegrar umfjöllunar um hann. Blaðið birti 12. október umfjöllun um veru Ólafs á 101 Hóteli föstudagskvöldið 10. október og meint tengsl hans við Jón Ásgeir Jóhannesson.

Norska sendinefndin vill heyra sjónarmið Íslendinga

Norsk sendinefnd kom til landsins síðdegis til viðræðna við íslensk yfirvöld um stöðu efnhagsmála. Kannað verður hvernig best væri hægt að hjálpa íslensku fjármálakerfi.

Víkingaskip sem lystisnekkja

Víkingaskip í stíl við lystisnekkju, - það fyrsta sinnar tegundar í heiminum, - með nútímaþægindum og tækjabúnaði, hefur verið smíðað í Stykkishólmi og er nú í reynslusiglingum.

Fossinn fær nafnið Hverfandi

Örnefnanefnd hefur ákveðið að aflmesti foss Evrópu, yfirfallsfossinn við Kárahnjúka, skuli heita Hverfandi. Nafnið vísar til þess að fossinn kemur og fer.

Síld fyrir tólf milljarða við Stykkishólm

Síldarævintýrið á Breiðafirði gæti á næstu vikum skilað tólf milljarða króna útflutningsverðmæti í þjóðarbúið. Stjórnvöld eru hvött til þess að auka síldarkvótann.

Íslenska kokkalandsliðið slær í gegn á Ólympíuleikum

Íslenska kokkalandsliðið hefur unnið til tveggja gullverðlauna og tvennra silfurverðlauna á Ólympíuleikum matreiðslumanna sem fram fara í Erfurt í Þýskalandi þessa dagana.

Hanna Birna: Ummæli Ólafs ekki svara verð

,,Ég hef ítrekað sagt að ástæðan fyrir meirihlutaskiptunum í ágúst voru málefnalegar og snérust hvorki um minn hag né Ólafs F. Magnússonar heldur hagsmuni borgarbúa," segir Hanna Birna Kristjánsdóttir borgarstjóri.

Tveir Albanar á Íslandi grunaðir um að hafa verið í Frelsisher Kósóvó

Tveir Kósóvó-Albanar sem lögregla grunar að hafi verið í Frelsisher Kósóvó sóttust eftir hæli hér á landi. Þriðji Albaninn var einnig til rannsóknar vegna tengsla við þá. Hæstiréttur staðfesti í dag gæsluvarðhald yfir tveimur mannanna en það átti að renna út í dag.

Leita til dómstóla ef vafi er á því hvort afhenda megi gögn

Valitor, umboðsaðili VISA á Íslandi, hefur sent frá sér yfirlýsingu þar sem fram kemur að félagið leiti alltaf til dómstóla ef vafi leiki á því hvort félaginu sé heimilt að afhenda gögn til yfirvalda.

Bílvelta og aftanákeyrsla á sama stað

Pallbíll valt til móts við Þingborg rétt austan við Selfoss um klukkan hálffjögur í dag.

Ólafur: Hanna Birna notaði gróusögur gegn mér

Ólafur F. Magnússon segir að Hanna Birna Kristjánsdóttir, núverandi borgarstjóri, hafi þrýst á sig að segja af sér sem borgarstjóri vegna gróusagna um persónu hans.

Tilmæli ríkisstjórnar um frystingu lána ítrekuð

Fréttir hafa borist af því að viðskiptavinum bankanna hafi gengið illa að fá frystingu á erlendum lánum, þrátt fyrir tilmæli viðskiptaráðherra þar um. Viðskiptaráðuneytið hefur því í dag rætt við alla bankastjóra hinna nýju ríkisbanka til þess að tryggja að þjónusta þeirra sé í samræmi við tilmæli ríkisstjórnarinnar. Þá er þess vænst að önnur fjármálafyrirtæki veiti sömu fyrirgreiðslu.

Segir pólitíska sérhagsmuni Browns ráða ferðinni

„Okkur blöskraði þessi klaufaháttur að koma sjónarmiðum Íslendinga í fjölmiðla," segir Ólafur Elíasson, tónlistamaður og einn aðstandenda síðunnar indefence.is. Hann segist gáttaður á því að Gordon Brown hafi komist upp með það ótrúlega „spin" að beita hryðjuverkalögum gegn íslenskum bönkum. Gjörningur sem hafi verið til þess eins að bjarga hans pólitíska skinni.

Norrænir fjármálaráðherrar funda um kreppu

Fjármálaráðherrar norrænu ríkjanna munu funda í næstu viku í tengslum við þing Norðurlandaráðs í Finnlandi.

Pakistanar leita á náðir Alþjóðagjaldeyrissjóðsins

Pakistan hefur óskað eftir aðstoð Alþjóðagjaldeyrissjóðsins vegna yfirstandandi fjármálakreppu eftir því sem Sky-fréttastofan greinir frá.

Sýknaður af ákæru um flöskukast

Héraðsdómur Reykjaness hefur sýknað karlmann af ákæru um sérstaklega hættulega líkamsárás en honum var gefið að sök að hafa hent glerflösku í annan mann þannig að hann hlaut skurð í andliti og gleraugu hans brotnuðu.

Gengið til viðræðna við SÁÁ um búsetuúrræði

Velferðarráð Reykjavíkurborgar samþykkti á fundi sínum í dag ganga til samninga við SÁÁ um rekstur á nýju búsetuúrræði með félagslegum stuðningi.

Vilja bregðast við atvinnuleysi með auknu námsframboði

Rektorar sjö íslenskra háskóla sent frá sér sameiginlega yfirlýsingu þar sem þeir segja að bregðast þurfi við erfiðleikum í efnahagslífinu og yfirvofandi atvinnuleysi með fjölþættum aðgerðum á sviði menntamála.

33 sagt upp hjá EJS

Tölvufyrirtækið EJS hefur sagt 33 starfsmönnum upp en tæplega 170 manns vinna hjá fyrirtækinu. Í tilkynningu frá félaginu kemur fram að uppsagnirnar séu liður í aðhaldsaðgerðum sem séu nauðsynlegar vegna breyttra rekstrarskilyrða og lækkandi gengis íslensku krónunnar.

21 salmonellusmit hér á landi á fyrri helmingi ársins

Þrjátíu og sjö manns hafa smitast af salmonellu hér á landi frá ársbyrjun 2007 til septemberloka 2008 eftir því sem segir í Farsóttarfréttum Landlæknisembættisins. Þar er vitnað til upplýsinga frá sýkladeild Landspítalans. Flest greindra tilfella, eða 29 af 37, voru hjá einstaklingum með búsetu á höfuðborgarsvæðinu.

Helmingi fleiri greinast með lifrarbólgu B

Þrjátíu og átta manns greindust með lifrarbólgu B á fyrri helmingi ársins. Þetta kemur fram í nýjum Farsóttarfréttum Landlæknisembættisins. Eru þetta helmingi fleiri en á sama tímabili í fyrra.

Enn fundað í utanríkisráðuneytinu

Fundur íslenskra og breskra samninganefnda vegna deilna um Icesave-reikninga Landsbankans í Bretlandi stendur enn í utanríkisráðuneytinu.

Íslenskir hryðjuverkamenn streyma í Borgartúnið

Íslenskir ,,hryðjuverkamenn" með alvæpni voru ljósmyndaðir í bak og fyrir í morgun.

Mikil örtröð á dekkjaverkstæðum

Mikil örtröð hefur verið á hjólbarðaverkstæðum á höfuðborgarsvæðinu í morgun. Umferðin hefur gengið vel fyrir sig og fá og lítil óhöpp.

Bruni í Vesturbergi enn til rannsóknar

Rannsókn á brunanum í Vesturbergi hundrað aðfararnótt sunnudags stendur enn yfir.

Fiskverð rýkur upp

Fiskverð rauk upp á fiskmörkuðum hérlendis í gær samkvæmt samantekt Landssambands smábátaeigenda.

40 tonna grafa valt út í sjó

Betur fór en á horfðist þegar 40 tonna grafa valt út í sjó skammt frá flugvellinum á Akureyri í morgun.

Barentshafskvóti gæti skilað á fimmta milljarð króna

Þorskkvóti sem Íslendingar fá í Barentshafi á næsta ári gæti skilað fjórum til fimm milljörðum króna í þjóðarbúið.

Ekki búist við niðurstöðu varðandi IMF í dag

Vinna Alþjóðagjaldeyrissjóðsins vegna fyrirhugaðrar lántöku Íslendinga dregst enn á langinn og er ekki gert ráð fyrir niðurstöðu í dag þrátt fyrir væntingar þar um.

Gríðarlegur stuðningur við þjóðarávarp til Breta

Fjöldahreyfing til að breyta ímynd Íslands í Bretlandi hefur hafið starfsemi og opnað heimasíðu.

Svíar í för með norsku sendinefndinni

Von er á norsku sendinefndinni sem hyggst skoða hvort Norðmenn geti veitt Íslendingum aðstoð með flugi um miðjan dag í dag.

Vilja skýrari og betri upplýsingar frá stjórnvöldum um stöðu mála

Neytendasamtökin kalla eftir skýrari og betri upplýsingum frá stjórnvöldum á þeim óvissutímum sem nú eru upp.

Prenta flestar bækur sínar á Íslandi

Útgáfufyrirtækið Forlagið hyggst prenta mest allar bækur sínar hér á landi fyrir jólin í ár. Prentsmiðjan Oddi og Forlagið hafa gert með sér samning um prentun nánast allra titla hins síðarnefnda fyrir þessi jól. Oddi mun prenta um 70 titla fyrir Forlagið. Í tilkynningu segir að líklega sé um að ræða stærsta samning um prentun bóka á Íslandi frá upphafi.

Íslendingur mátti svara niðrandi orðum Þjóðverja

Héraðsdómur Reykjavíkur hefur vísað frá dómi kröfu Þjóðverja um að ummæli Íslendings í tölvubréfi til fólks sem þeir þekkja yrðu dæmd dauð og ómerk.

Alcoa leggur fram tillögu að matsáætlun vegna Bakkaálvers

Alcoa hefur lagt fram tillögu að matsáætlun vegna álvers Alcoa á Bakka við Húsavík í Norðurþingi með allt að 346 þúsund tonna framleiðslugetu.

Fundað í utanríkisráðuneytinu um Icesave

Fundur stendur nú yfir í utanríkisráðuneytinu þessa stundina þar sem íslenskar og breskar sendinefndir ræða lausn á deilu landanna vegna Icesave-reikninga Landsbankans.

Dæmdir fyrir barsmíðar á þorrablóti

Héraðsdómur Suðurlands hefur dæmt tvo menn í þriggja og tveggja mánaða skilorðsbundið fangelsi fyrir tvær líkamsárásir fyrir utan íþróttahúsið í Þorlákshöfn í febrúar í fyrra.

Þurftu að loka brekku vegna hálku

Morgunumferðin á höfuðborgarsvæðinu gekk stórslysalaust fyrir sig þrátt fyrir mikla hálku og nokkra ofankomu.

Frelsi fjölmiðla mest hér á landi

Frelsi fjölmiðla er mest á Íslandi, Noregi og Lúxemborg samkvæmt nýrri samantekt samtakanna Blaðamenn án landamæra.

Fimm prósenta kaupmáttarrýrnun á 12 mánuðum

Kaupmáttur hér á landi hefur rýrnað um fimm prósent á síðustu tólf mánuðum ef mið er tekið af þróun launavísitölu og verðbólgu.

Framsóknarmenn í Reykjavík átelja aðgerðaleysi ríkisstjórnar

Kjördæmaþing framsóknarmanna í Reykjavík átelur harðlega ríkisstjórn Íslands fyrir aðgerða- og ábyrgðarleysi nú á ögurstundu í efnahagslífi þjóðarinnar.

Norsk sendinefnd skoðar aðstoð við Íslendinga

Norðmenn hyggjast rétta Íslendingum hjálparhönd í þeim hremmingum sem ganga yfir landið og er von á norskri sendinefnd til Íslands í dag.

Sjötíu prósenta hækkun lána

Lán smábátaflotans hafa hækkað um liðlega sjötíu prósent á einu ári vegna hækkunar gengisvísitölunnar, að mati Landssambands smábátaeigenda.

Játuðu innbrot í söluskála

Þrír menn, sem lögreglan í Reykjavík handtók í fyrrinótt að beiðni lögreglunnar á Selfossi, játuðu við yfirheyrslur undir kvöld í gær að hafa brotist inn í söluskála við Árnes og stolið þaðan talsverðum verðmætum fyrir nokkrum dögum.