Fleiri fréttir

Hæstaréttardómarar fagna rannsókn á Hafskipsmáli

Tveir dómarar Hæstaréttar, þeir Markús Sigurbjörnsson og Gunnlaugur Claessen hvetja Valtý Sigurðsson, ríkissakskóknara til að verða við beiðni um opinbera rannsókn á hafskipsmálinu. Ríkissaksóknari fékk þessa beiðni í síðustu viku frá lögmanninum Ragnari Aðalsteinssyni fyrir hönd fyrrverandi stjórnenda Hafskips með Björgólf Guðmundsson í broddi fylkingar.

Aðstoða vélarvana bát

Stjórnstöð Landhelgisgæslunnar barst kl. 12:29 tilkynning frá Dagnýju SU 129 um að báturinn væri vélarvana með einn mann um borð fyrir utan Hólmanes í Reyðarfirði, var báturinn þá búinn að leggja út ankeri.

Skilorðsbundinn dómur fyrir að slá mann í andlitið

Karlmaður hefur verið dæmdur í eins mánaðar skilorðsbundið fangelsi fyrir að hafa ráðist að öðrum karli og slegið hann í andlitið við Draugabarinn á Stokkseyri fyrir tæpu ári. Tönn í efri gómi fórnarlambsins brotnaði.

Nokkrir teknir fyrir fíkniefnamisferli á Akureyri

Lögreglan á Akureyri gerði húsleit í tveimur íbúðum á föstudagskvöld og aðfaranótt laugardags. Í annarri íbúðinni fundust tæki og tól til fíkniefnaneyslu auk fíkniefnaleyfa en í hinni var lagt hald á sex grömm af kannabisefnum og þrjú grömm af ætluðu amfetamíni.

Boðað til þingflokksfunda klukkan þrjú

Engar fregnir er enn að hafa af aðgerðum ríkisstjórnarinnar í efnhagsmálum en þingflokksfundir hafa verið boðaðir klukkan þrjú. Þetta fékkst staðfest hjá Alþingi fyrir stundu. Misskilningur varð þess valdandi að í stutta stund sagði Vísir frá því að til stæði að kalla Alþingi saman. Það mun ekki vera rétt.

Leigubílsferð JP Morgan manna kostnaðarsöm

Fulltrúar bandaríska fjárfestingarbankans JP Morgan þurftu að greiða hátt í 20 þúsund krónur fyrir leigubílinn sem flutti þá til fundar við ráðherra í nótt. Bíllinn beið mannanna á meðan fundinum stóð.

Atburðir gærkvöldsins og næturinnar í Ráðherrabústaðnum

Ráðherra, bankamenn, fulltrúar lífeyrirsjóðanna og helstu efnhagssérfræðingar þjóðarinnar funduðu stíft í Ráðherrabústaðnum í gærkvöldi og nótt. Meðal þeirra sem komu á fund forsætisráðherra voru sérfræðingar frá bandaríska fjárfestingarbankanum JP Morgan.

Verkalýðshreyfingin teymd á asnaeyrunum

Grétar Þorsteinsson, forseti Alþýðusambands Íslands, segir verkalýðshreyfinguna hafa verið teymda á asnaeyrnunum í viðræðum við stjórnvöld um lausn efnahagsvandans.

Geir ræddi við Brown í morgun

Geir H. Haarde forsætisráðherra ræddi í morgun við Gordon Brown, starfsbróður sinn í Bretlandi, um þá erfiðu stöðu sem upp er komin á evrópskum fjármálamarkaði, en þar hafa hlutabréf hríðfallið í verði í morgun.

Sakar stjórnvöld og banka um leikbrögð

Framkvæmdastjóri Starfsgreinasambandsins sakar ríkisstjórnina, Seðlabankann og banka landsins um leikbrögð um helgina og að vaxtaokri og tangarhaldi á íslenskum almenningi verði viðhaldið.

Nefbrotinn á Selfossi

Maður var nefbrotinn þegar ráðist var á hann fyrir utan skemmtistaðinn 800 bar á Selfossi aðfaranótt sunnudags.

Staðan alvarleg, segir Geir

Geir H. Haarde forsætisráðherra vildi lítið tjá sig eftir ríkisstjórnarfund í Stjórnarráðinu í morgun að öðru leyti en því að ástandið væri alvarlegt

Huga að geðheilbrigði ungs fólks

Áherslur geðheilbrigðisdagsins, sem verður tíunda október, munu einkum beinast að geðheilbrigði ungs fólks, sem sérstök ástæða er til að hlúa að núna þegar kreppir að í efnahagslífinu, eins og segir í tilkynningu frá Geðhjálp.

Innistæður tryggðar að fullu

Ríkisstjórnin áréttaði enn, með tilkynningu í nótt, að innistæður í innlendum bönkum og sparisjóðum hér á landi væru tryggðar að fullu.

Árásarmanna leitað

Lögreglan á höfuðborgarsvæðinu leitar enn að tveimur karlmönnum, líklega 25 til 30 ára og hugsanlega af erlendu bergi brotnum, sem eru grunaðir um að hafa misþyrmt karlmanni á sjötugsaldri

Ruddust inn í íbúð

Fimm manns ruddust inn í íbúð í Naustahverfi í Reykjavík um klukkan fjögur í nótt til að gera upp einhverjar sakir við húsráðanda. Tveir brutu sér leið inn um svaladyr og opnuðu fyrir hinum þremur.

Árni og Geir farnir út Ráðherrabústaðnum

Þeir Árni Mathiesen og Geir Haarde fóru úr Ráðherrabústaðnum um klukkan tuttugu mínútur yfir tvö. Þeir vildu lítið ræða við fréttamenn sem biðu þeirra fyrir utan en Geir staðfesti þó að erlendu bankamennirnir sem fundað hafa með ráðherrunum í kvöld væru frá JP Morgan. Aðspurður um aðkomu þeirra að málinu sagði Geir að þeir hefðu verið að veita ríkisstjórninni ráð en að öðru leyti vildi hann ekki tjá sig nánar um málið.

Mælirinn stendur í 8720 krónum

Erlendu bankamennirnir sem funda nú með íslenskum ráðamönnum í Ráðherrabústaðnum komu til fundar í leigubíl frá Hreyfli. Leigubílstjórinn var beðinn um að bíða eftir mönnunum og er hann því enn á Tjarnargötunni með mælinn í gangi. Þegar þessi frétt er skrifuð er fargjaldið komið í 8720 krónur.

Víst von á aðgerðarpakka

Viðræður við lífeyrissjóði og verkalýðshreyfingu standa enn yfir og unnið að sama pakka og unnið hefur verið að i dag.

Fundað með erlendum bankamönnum í Tjarnargötu

Fulltrúar frá erlendri fjármálastofnun funda nú með Geir Haarde forsætisráðherra, Árna Mathiesen fjármálaráðherra, Björgvin G. Sigurðssyni, viðskiptaráðherra og Össuri Skarphéðinssyni iðnaðarráðherra í ráðherrabústaðnum á Tjarnargötu.

Glitnismenn mættir í Ráðherrabústaðinn

Fulltrúar Glitnis, Sigurður G. Guðjónsson, Lárus Welding og Þorsteinn Már Baldvinsson voru að mæta í Ráðherrabústaðinn rétt í þessu. Þar er jafnframt saman komin öll ríkisstjórnin til að ræða við þá, en forsvarsmenn hagsmunasamtaka atvinnulífsins gengu af fundi þeirra um níuleytið, eftir um klukkustundarlangan fund. Þeir vildu lítið segja um gang mála í viðræðum þeirra við ríkisstjórnina.

Fundi með hagsmunaaðilum lokið - Beðið eftir bönkunum

Grétar Þorsteinsson, forseti ASÍ og Vilhjálmur Egilsson, framkvæmdastjóri Samtaka atvinnulífsins gengu rétt í þessu af fundi í ráðherrabústaðnum sem hófst klukkan átta. Þeir vildu lítið segja um gang mála í viðræðum þeirra við ríkisstjórnina en Vilhjálmur sagðist vera á leið á fund með félögum sínum í SA þar sem þær tillögur sem uppi eru verða ræddar. Stuttu síðar komu þeir Ögmundur Jónasson og Eiríkur Jónsson út

Mesta fjármálakreppa síðan 1914

„Það eru erfiðir tímar. Þetta er mesta kreppa á alþjóða fjármálamarkaði, sennilega síðan 1914," segir Geir H. Haarde. Hann segir að fjármálakreppan sé sennilegast alvarlegri en hún hafi verið í kreppunni miklu á fjórða áratugnum.

Steinunn Rögnvaldsdóttir nýr formaður UVG

Steinunn Rögnvaldsdóttir var kjörin formaður nýrrar stjórnar Ungra Vinstri grænna í stað Auðar Lilju Erlingsdóttur á landsfundi sambandsins sem fór fram á Akureyri um helgina. Auður hefur gegnt embættinu undanfarin tvö starfsár en gaf ekki kost á sér áfram.

Gleðst ef Davíð gætir orða sinna

„Guð láti gott á vita ef hann ætlar að fara að gæta orða sinna," segir Þorgerður Katrín Gunnarsdóttir menntamálaráðherra þegar hún er spurð út í viðbrögð Davíðs Oddssonar við þjóðstjórnarumræðunni sem hefur verið nokkuð áberandi á undanförnum dögum.

Vill fá lífeyrissjóðina inn í Glitni

„Við erum að sjálfsögðu ánægðir með yfirlýsingar formanns Landssambands lífeyrissjóðanna," segir Þorsteinn Mar Baldvinsson, stjórnarformaður Glitnis.

Björgvin og Björn farnir af fundi

Björgvin G. Sigurðsson og Björn Bjarnason yfirgáfu ráðherrabústaðinn um eittleytið. „Ég var bara að ræða við félaga mína," sagði Björn við fréttamenn þegar hann yfirgaf ráðherrabústaðinn.

Ríkisstjórnin mætt í Ráðherrabústaðinn

Öll ríkisstjórnin er komin í ráðherrabústaðinn að undanskildum þeim Jóhönnu Sigurðardóttur félagsmálaráðherra og Þórunni Sveinbjarnardóttur umhverfisráðherra. Enginn úr ríkisstjórninni vildi tjá sig neitt um ástand mála við fréttamenn.

Kaupþing ekki að biðja um aðstoð

Hreiðar Már Sigurðsson forstjóri Kaupþings segir að bankinn sé ekki í viðræðum við stjórnvöld vegna þess að bankinn þurfi aðstoð, heldur til að leggja fram aðstoð sína við lausn vandans.

Sjá næstu 50 fréttir

Mest lesið