Vill tóbakið úr fríhöfnunum

Ásta Möller, þingmaður Sjálfstæðisflokks og formaður heilbrigðisnefndar, vill að sölu tóbaks í fríhöfnum verði hætt.

Sendiráðin kosta 2,5 milljarða

Heildarframlög til íslenskra sendiráða nema 2.530 milljónum króna á næsta ári, samkvæmt fjárlagafrumvarpi ársins 2009. Er það aukning um 33 prósent frá fjárlögum þessa árs.

BHM tilbúið að ræða evrumál

Stefán Aðalsteinsson, framkvæmdastjóri Bandalags háskólamanna, sagði í gær að félagið væri reiðubúið að ræða upptöku evru, ef það kynni að leysa efnahagsvanda þjóðarinnar.

Salt vantaði í Kópavogi

Snjókoman á fimmtudag kom mörgum í opna skjöldu og hafði ýmsar afleiðingar. Strax um kvöldið felldi Strætó bs. niður ferðir sínar í Kópavogi og bar við slæmri færð. En af hverju voru bara lagðar af ferðir í Kópavogi?

Öryrkjar krefjast hærri bóta

Slæmt efnahagsástand þjóðarinnar hefur haft alvarlegar fjárhagslegar afleiðingar fyrir fjölda öryrkja, sjúklinga og ellilífeyrisþega. Þetta segir í ályktun aðalfundar Öryrkjabandalags Íslands.

Bjartsýnn á lausn mála

Geir H. Haarde forsætisráðherra var bjartsýnn á lausn mála og ánægður með samstöðu í hópi þeirra manna sem höfðu mætt á fundi ríkisstjórnarinnar í dag þegar að hann steig út úr ráðherrabústaðnum um sexleytið til að ræða við fréttamenn.

Útilokar ekki að íslenskum mörkuðum verði lokað á mánudag

Forstjóri Kauphallar Íslands segir ólíklegt að íslenskum mörkuðum verði lokað á mánudag en segist þó ekki geta útilokað það. Slíkt væri ekki gert nema í ítrustu neyð og við mjög sérstakar aðstæður.

Forsvarsmenn lífeyrissjóðanna svara ríkisstjórninni

Forsvarsmenn lífeyrissjóðanna eru mættir í ráðherrabústaðinn með svar við tilmælum sem þeir hafa fengið frá ríkisstjórninni og aðgerðaráætlun um það hvernig hægt verði að bregðast við. Ríkisstjórnin hefur fundað með fulltrúum atvinnulífsins og seðlabankastjóra í allan dag.

Fleiri þurfa að „Ganga til góðs"

Erfiðlega hefur gengið að fá sjálfboðaliða í dag til að safna fé í átaki Rauða krossins „Göngum ti góðs". Um 2500 sjálfboðaliða þarf til að ná því takmarki að ganga í hvert hús á landinu og safna fé.

Aðkoma bankanna og framtíðarskipulag þeirra rætt í viðskiptaráðuneytinu

Fundir hafa staðið yfir í viðskiptaráðuneytinu í allan dag með forystumönnum allra íslensku bankananna um mögulega aðkomu fjármálakerfisins að heildaraðgerðapakka. Munu þeir fundir standa áfram og fram á kvöld.

Harður árekstur í Eyjafjarðarsveit

Harður tveggja bíla árekstur varð í Eyjafjarðarsveit við bæinn Grýtu um korter í ellefu í morgun. Að sögn lögreglunnar var einn maður í hvorum bíl og voru þeir fluttir á slysadeild en talið er að meiðsl þeirra hafi ekki verið mikil. Bílarnir eru báðir ónýtir. Þá velti pallbíll þegar hann var á leið upp Bakkaselsbrekku innst í Öxnadal. Tveir voru í bílnum, en ekki er talið að þeir hafi meiðst.

Kalla Davíð Oddsson gereyðingarvopn sem þurfi að víkja

Davíð Oddsson er gereyðingarvopn fyrir íslenskt efnahagslíf og nausynlegt er að hann víki sem seðlabankastjóri. Þetta er meðal þess sem kom fram í máli Önnu Pálu Sverrisdóttur, formanns Ungra jafnaðarmanna, við upphaf Landsþings Ungra jafnaðarmanna í Víðistaðaskóla í Hafnarfirði í morgun.

Seðlabankastjóri fundar með ráðherrum og fulltrúum atvinnulífsins

Fulltrúar Alþýðusambands Íslands og Samtaka atvinnulífsins mættu í ráðherrabústaðinn til fundar við ríkisstjórnina á fjórða tímanum í dag.

Hrafnhildur Lilja jarðsungin í dag

Hrafnhildur Lilja Georgsdóttir, unga konan sem var myrt í Dóminíska lýðveldinu þann 21. September síðastliðinn, verður jarðsunginn frá Ólafsfjarðarkirkju í dag.

Eldur í Álsey

Eldur kom upp í Álsey VE við Vestmannaeyjar skömmu fyrir hádegi í dag. Verið var að gera að skipinu þar sem það lá við bryggju og segir Gísli Óskarsson, fréttaritari Stöðvar 2 í Eyjum, að líklegast hafi kviknað í út frá neistaflugi. Að minnsta kosti eitt fiskikar bráðnaði en engin meiðsl urðu á fólki.

Gjaldeyriskreppan leysist mögulega í næstu viku

Svo gæti farið að gjaldeyriskreppa þjóðarinnar leystist í næstu viku. Stíf fundahöld eru um allan bæ og ef niðurstaða næst um helgina, gæti peningar lífeyrissjóðanna í útlöndum verið komnir heim seinnipartinn í næstu viku.

Hvetja landsmenn til að Ganga til góðs

Rauði krossinn hvetur landsmenn til að Ganga til góðs í dag. Rauði krossinn þarf um 2500 sjálfboðaliða til að ná takmarki sínu að ganga í hvert hús á landinu. Söfnunarstöðvar eru um allt land þar sem fólk mætir til að fá söfnunarbauka. Helst vantar sjálfboðaliða á höfuðborgarsvæðinu. Auglýsingar um söfnunarstöðvar eru í blöðum og eins er hægt að fá upplýsingar um þær á raudikrossinn.is.

Umferðaróhöppum hefur fækkað um 15% síðastliðna sjö mánuði

Umferðaróhöppum þar sem slys hafa orðið á fólki hefur fækkað nokkuð á höfuðborgarsvæðinu eða um 15% síðastliðna sjö mánuði samanborið við sama tíma á síðasta ári.

Hundruð Íslendinga hafa streymt inn í nýja verslunarmiðstöð

Hundruð manna hafa streymt í nýjustu verslunarmiðstöð landsins, Korputorg, í morgun. Fréttastofa ræddi við verslunarstjóra húsgagnaverslunarinnar ILVA, Róbert Valtýsson, nú laust fyrir fréttir og hann sagði viðtökurnar framar vonum. Menn hafi ekki búist við miklu í þessu árferði.

Fangageymslur fylltust í nótt

Fangageymslur lögreglunnar á höfuðborgarsvæðinu fylltust í nótt vegna mikillar ölvunar í borginni. Tilkynnt var um þrjár líkamsárásir í nótt. Í einni þeirra hlaut karlmaður töluverða áverka í andliti og þurfti að leita á slysadeild til aðhlynningar.

Vinna að efnahagsaðgerðum um helgina

Almennt er búist við að stjórnvöld í samvinnu við lífeyrissjóði, verkalýðshreyfingu og samtök atvinnulífsins og fleiri muni reyna að setja saman aðgerðarpakka í efnahagsmálum um helgina.

Heimili og skóli taka undir með landlækni

Heimili og skóli, landssamtök foreldra, taka heilshugar undir þau tilmæli sem fram hafa komið í dag um hófstillta umræðu um efnahagserfiðleika, samdrátt og niðurskurð í atvinnulífinu.

Stjórnmálamenn missa tiltrú fólks

Stuðningur við ríkisstjórnina hefur hrunið og stjórnmálamenn virðast hafa misst tiltrú fólks, hvort sem þeir tilheyra stjórn eða stjórnarandstöðu. Aldrei hefur hlutfall þeirra sem ekki ætla að kjósa verið hærra. Þetta kemur fram í skoðanakönnum sem unnin var fyrir Stöð 2 í gær.

Ráðherrar funduðu með fulltrúum lífeyrissjóðanna

Fulltrúar lífeyrissjóðanna áttu fyrir hádegi fund með Geir H. Haarde forsætisráðherra, Jóhönnu Sigurðardóttur félagsamálaráðherra og Össuri Skarphéðinssyni iðnaðarráðherra.

Aðgerða að vænta í byrjun næstu viku

Tryggvi Þór Herbertsson, efnahagsráðgjafi ríkisstjórnarinnar, segir að aðgerðir til þess að stemma stigu við efnahagsvandanum sem nú er uppi, verði kynntar í byrjun næstu viku.

Umferðarslysum á höfuðborgarsvæðinu fækkar

Umferðaróhöppum þar sem slys hafa orðið á fólki hefur fækkað nokkuð á höfuðborgarsvæðinu samkvæmt upplýsingum frá Umferðarstofu.

Börnin vilja Evru

Það á að taka upp evruna segja börn í sjötta og sjöunda bekk Salaskóla. Þau segjast finna fyrir því að verðlag fari hækkandi. Haukur Holm hitti unga efnahagsráðgjafa fyrir utan Stjórnarráðið í dag.

Örtröð í bankaútibúum

Mikil örtröð myndaðist í útibúum í dag þar sem fólk var að færa peninga úr sjóðum inn á sparnaðarreikninga. Viðskiptaráðherra ítrekaði í dag að innistæður almennings eru öruggar.

Þorsteinn segir einhug ríkja í stjórn Glitnis

Stjórnarformaður Glitnis hvetur hluthafa Glitnis til að samþykkja tilboð ríkisins. Í yfirlýsingu sem hann sendi frá sér í dag segist hann treysta því að ríkisvaldið muni koma til móts við hluthafana sem verða fyrir tjóni.

Þúsundum lítra af olíu stolið á Akureyri

Þúsundum lítrum af olíu var stolið úr tanki af vinnusvæði verktaka á Akureyri um helgina. Lögregla segir það færast í vöxt að eldsneyti sé stolið sem sé greinilegt kreppueinkenni.

Ekkert bólar á aðgerðum

Ekkert bólar enn á aðgerðum ríkisstjórnarinnar vegna efnahagsvandans, en viðskiptaráðherra og efnahagsráðgjafi ríkisstjórnarinnar segja þær væntanlegar. Lífeyrissjóðirnir gætu tvöfaldað gjaldeyrisvaraforða þjóðarinnar með því að færa innistæður sínar í útlöndum heim. Landlæknir hefur áhyggjur af sálarlífi landsmanna í þessu ástandi.

Sannkölluð sláturtíð hjá Hagkaup í Skeifunni

„Það hefur verið mjög mikið fjör í Skeifunni og mikil sláturtíð í gangi,“ segir Gunnar Ingi Sigurðsson forstjóri Hagkaupa aðspurður út í raðirnar í kjötborðið í Hagkaup í Skeifunni. Hann segir að erfitt sé að finna ódýrari máltíð en slátrið en keppurinn er seldur á 60-70 krónur. „Þú færð því ansi marga keppi fyrir fimm slátur eins og maður segir.“

Stjórn Glitnis hvetur hluthafa til að samþykkja tilboð ríkisins

Stjórn Glitnis mælir með því við hluthafa að taka tilboði ríkisins líkt og stjórnarformaður bankans hafði gert fyrr í dag. Stjórn Glitnis kom saman til fundar í höfuðstöðvum bankans fyrr í dag.

Samþykkja vínveitingaleyfi fyrir KSÍ

Borgarráð hefur samþykkt umsókn Knattspyrnusambands Íslands um rekstrarleyfi fyrir veitingastað með vínveitingaleyfi í höfuðstöðvum sínum.

Þorsteinn Már hvetur hluthafa til að samþykkja tilboð ríkisins

Þorsteinn Már Baldvinsson, stjórnarformaður Glitnis, hvetur alla hluthafa bankans til þess að samþykkja tilboð ríkisins. Hann segist treysta því að ríkisvaldið komi til móts við hluthafana sem verða fyrir tjóni og bjóði þeim „sanngjarnt úrræði“ sem geti dregið úr tjóninu.

Sektaður fyrir að svíkja vörur og fé út með korti annars manns

Héraðsdómur Reykjanes hefur sektað 18 ára pilt um 60 þúsund krónur fyrir að hafa svikið út vörur og peninga með debetkorti annars manns.

Landlæknir varar við óábyrgri umræðu um efnahagsmál

„Umræða um samdrátt og niðurskurð í atvinnulífinu með beinum afleiðingum fyrir heimili og fyrirtæki er mjög hávær og rökin fyrir henni skýr. Þetta er alvarleg umræða sem snertir unga sem aldna og þar af leiðandi er mikilvægt að vanda orðaval til að valda börnum, ungmennum, veikum og öldruðum ekki óþarfa kvíða,“ þetta segir í frétt inni á vef Landlæknisembættisins.

Vill sækja um ESB-aðild strax

Magnús Stefánsson, þingmaður Framsóknarflokksins, segir að Íslendingar verði nú þegar að sækja um inngöngu í Evrópusambandið og taka upp evru. Að hans mati á ríkisstjórnin að tilkynna strax að það verði gert.

Orkuveitan tryggir sér hagstætt lán

Stjórn Orkuveitu Reykjavíkur samþykkti í dag lánasamning við Evrópska fjárfestingabankann að fjárhæð 170 milljóna evra, jafnvirði rúmlega 25 milljarða króna, með 9,8 punkta álagi á millibankavexti í evrum. Lánið er til 20 ára.

Skilorðsbundinn dómur fyrir vítavert aksturslag

Héraðsdómur Norðurlands eystra hefur dæmt karlmann í eins mánaðar skilorðsbundið fangelsi, sektað hann um 120 þúsund krónur og svipt ökuleyfi fyrir umferðarlagabrot og líkamsmeiðingar af gáleysi.

Færri umferðarslys þar sem fólk slasast

Umferðaróhöppum þar sem slys hafa orðið á fólki hefur fækkað nokkuð á höfuðborgarsvæðinu eða um 15 prósent síðastliðna sjö mánuði samanborið við sama tíma á síðasta ári. Þetta kemur fram í tilkynningu lögreglu og vísað í gögn Umferðarstofu.

Lokun bankanna ekki á dagskrá

Davíð Oddsson seðlabankastjóri neitar því að aðgerðir sem þýða myndu lokun bankanna um helgina hafi verið ákveðnar. Þetta kom fram í hádegisfréttum Ríkisútvarpsins.

Rætt við ýmsa aðila

Viðskiptaráðherra segir að efnahagsástandið verði skýrt og bætt á næstu dögum. Hann segir að verið sé að ræða við ýmsa, en vill ekki gefa upp hverja, né hvenær niðurstaða fáist. Hann neitar því að ríkisstjórnin sé ráðalaus. Þá segir hann fráleitt að olíuskortur sé yfirvofandi á landinu. Forsætisráðherra vildi ekki ræða við fréttamenn að loknum ríkisstjórnarfundi í morgun.

Óhappahrina í hálku og snjó

Fjölmörg umferðaróhöpp urðu í gærkvöldi, eftir að það fór að snjóa víða á landinu og flughált varð á vegum og götum. Önnur óhappahrina varð í morgun og örtröð var á dekkjaverkstæðum.

Búist við að bensín- og olíuverð hækki í dag

Gera má ráð fyrir að íslensku olíufélögin hækki verð á bensíni og olíu í dag þrátt fyrir að heimsmarkaðsverð á olíu haldi áfram að hríðfalla á mörkuðum bæði vestan hafs og austan.