Undirbúa forvarnir gegn netfíkn barna

SAFT beinir heilræðum til barna og fullorðinna um hvernig megi komast hjá því að ánetjast tölvunni. Netfíkn barna vaxandi vandamál. Dæmi um að börn undir 18 ára spili fjárhættuspil á netinu. Foreldrar setji ekki myndir á netið.

Rúllubaggar geta verið stórhættulegir

„Mesta hættan af rúlluböggum er þegar menn eru að rúlla eða binda í brattlendi. Þar þarf að gæta sérstakrar varúðar og svo þegar verið er að stafla þessu í mjög háar stæður,“ segir Bjarni Jónsson, sem hefur skrifað leiðbeiningar fyrir bændur um slysahættu af rúlluböggum.

Stúdentar hafa miklar áhyggjur

Stúdentaráð Háskóla Íslands fer í opnu bréfi til ríkisstjórnarinnar fram á að stjórnvöld borgi með hverjum nemanda sem kýs að stunda nám við skólann. Bréfið barst stjórnarráðinu í gær.

Óttast verðfall hjá strandveiðimönnum

Margir strandveiðimenn eru ósáttir við að vera stefnt til veiða dagana fyrir verslunarmannahelgi. Fiskvinnslur loka og lítil eftirspurn eftir aflanum. Strandveiðimenn geta sjálfir ákveðið að fresta veiðum segir talsmaður smábátaeigenda.

Börnin leika sér við hættulegan brunn

Dælustöðinni í Grundarhverfi á Kjalarnesi var upphaflega læst með loki. Börnin í hverfinu hafa fundið út hvernig á að opna brunninn. Svæðisstjóri hjá Orkuveitunni segir slysahættu vegna brunnsins.

Á móti banni á umfjöllun um kannanir

Meirihluti allsherjar- og menntamálanefndar Alþingis leggst gegn því að fjölmiðlum verði bannað að birta niðurstöður skoðanakannana á kjördag og daginn fyrir kosningar hér á landi.

Botnvörpur brunnu

Eldur kom upp í botnvörpum og öðrum veiðarfærum sem lágu á Eiðinu á milli Heimakletts og Klifs í Vestmannaeyjum í gær.

Margir valkostir Romneys

Spennan magnast stöðugt fyrir forsetakosningarnar í Bandaríkjunum þar sem repúblikaninn Mitt Romney freistar þess að velta demókratanum Barack Obama úr sessi. Eitt helsta umræðuefnið þessa dagana er val Romneys á varaforsetaefni, en þar eru margir kallaðir.

Dauðahafið er við dauðans dyr

Dauðahafið mun brátt bera nafn með rentu. Yfirborð hafsins lækkar um rúmlega metra á hverju ári. Höfuðástæðan er sögð vera að vatni úr ánni Jórdan hefur verið veitt annað, en áin er ein aðalaðrennslisæð hafsins.

Keppendur flykkjast til London

Keppendur, fjölmiðlafólk og áhorfendur flykkjast nú til London þar sem Ólympíuleikarnir verða settir eftir tíu daga.

Spá náum kynnum áður en öldin er úti

Euroscience umræðufundurinn var haldinn í Dublin um helgina. Helstu sérfræðingar Evrópu á sviði stjarneðlisfræði og stjarnlíffræði komu þar saman og ræddu um möguleg kynni mannkyns af geimverum.

Russell Crowe mættur til landsins

Nýsjálenski stórleikarinn Russell Crowe lenti á Reykjavíkurflugvelli á tíunda tímanum í kvöld. Létt var yfir leikaranum en hann spjallaði í dágóða stund við flugvallarstarfsmenn áður en hann hélt á brott.

Níræður maður kastaði sér út úr flugvél

Níræður maður fór í sitt fyrsta fallhlífarstökk í vikunni. Þessi eldhressi bandaríkjamaður lærði undirstöðuatriðin þegar hann var ungur maður en hann gegndi herþjónustu á árum seinni heimsstyrjaldarinnar.

Skúta strandaði í Skerjafirði

Skúta strandaði í Skerjafirði á ellefta tímanum í kvöld. Björgunarsveitir Slysavarnafélagsins Landsbjargar á höfuðborgarsvæðinu voru kallaðar út.

Svona hljómar kjarnasprenging

Vafalaust hafa flestir séð gömul myndbönd af kjarnorkusprengingum, fæstir hafa hins vegar heyrt hvellinn sem þær framkalla. Bandarískur fræðimaður hefur nú birt myndband þar sem ótrúlegur eyðileggingarmáttur kjarnasprengjunnar er sýndur ásamt óhugnanlegum óm hennar.

Átján mánaða fangelsi fyrir að stela sprengiefni

Héraðsdómur Reykjavíkur hefur dæmt karlmann á fertugsaldri í 18 mánaða fangelsi. Hann var fundinn sekur um að hafa stolið 240.8 kg af dínamíti, 228 sprengjuhvellhettum og einum sprengjuhnalli í október á síðasta ári.

Bjargaði ketti og uppskar aðdáun netverja

Lítil rússnesk stúlka hefur heillað netverja síðustu daga. Hugrekki stúlkunnar er óumdeilanlegt en myndband sem sýnir hana bjarga ketti frá hundi í árásarhug hefur vakið mikla athygli.

Hollenskt par ræktar jarðaber í Reykholti

Hollenskt plöntufyrirtæki hefur komið sér fyrir í Reykholti og hafið þar jarðaberjaræktun. Ef allt gengur að óskum vonast það eftir að geta ræktað íslensk jarðaber allan ársins hring.

Hannar skartgripi á Barnaspítalanum

Tíu ára stúlka sem hefur verið rúmliggjandi á Barnaspítalanum í sumar styttir sér stundir með því að hanna skartgripi. Hún vonast til að geta safnað sér fyrir iPad.

Vélarvana við Reynisdranga

Björgunarsveitin Víkverji í Vík í Mýrdal var kölluð út rétt fyrir klukkan sex í kvöld vegna vélarvana báts úti fyrir Reynisdröngum. Samkvæmt upplýsingum frá Landsbjörg er ekki talin hætta á ferðum og er veður gott á svæðinu.

Mannætan í Miami þekkti fórnarlamb sitt

Talið er að maðurinn sem reyndi að rífa af andlit annars manns með tönnunum fyrir nokkrum vikum í Miami hafi þekkt fórnarlamb sitt nokkuð vel.

Krafa Íra um refsiaðgerðir kann að spilla fyrir viðræðum

Krafa Íra um refsiaðgerðir vegna makrílveiða Íslendinga gerir ekkert annað en að spilla fyrir viðræðum, að mati Steingríms J. Sigfússonar. Sjávarútvegsráðherrar Evrópusambandsins ræddu makríldeiluna á fundi í dag.

Íhuga að endurskoða reglur ÍSÍ um Íþróttamann ársins

Sigurður Elvar Þórólfsson, formaður Samtaka íþróttafréttamanna, var gestur í útvarpsþættinum Reykjavík síðdegis á Bylgjunni í dag. Þar ræddi hann við þáttastjórnendur um afrek Annie Mist Þórisdóttir en hún tryggði sér sigur á Crossfit-leikum Reebok í gær, annað árið í röð.

Knattspyrnumanni dæmdar bætur vegna meiðsla í leik

Víðir Leifsson, knattspyrnumaður hjá Fylki, fær dæmdar bætur frá Vátryggingafélagi Íslands vegna slyss sem hann varð fyrir í leik í júlí 2008. Héraðsdómur Reykjavíkur komst að þeirri niðurstöðu í dag að VÍS væri bótaskylt á grundvelli slysatryggingar íþróttamanna.

Stýrir íþróttavef í London

Óskar Hrafn Þorvaldsson, fyrrverandi fréttastjóri á Stöð 2, Vísi og síðar á Fréttatímanum mun á næstunni stýra nýjum íþróttafréttavef í London. Hann verður með annan fótinn þar næstu vikurnar. Jón Ásgeir Jóhannesson, eiginmaður Ingibjargar Pálmadóttur aðaleiganda 365 bað hann um að taka verkefnið að sér. "Blaðamenn fá sjaldan tækifæri til að starfa erlendis," segir Óskar Hrafn aðspurður um ástæður þess að hann ákvað að slá til. Óskar Hrafn hefur unnið í fjölmiðlum um árabil. Þá spilaði hann lengi vel knattspyrnu með meistaraflokki KR og var atvinnumaður í knattspyrnu í Noregi.

Snorri ætlar að leita stuðnings Kennarasambandsins

Snorri Óskarsson, kenndur við Betel, sem var sagt upp störfum sem kennari í Brekkuskóla á Akureyri ætlar að leita eftir stuðningi Kennarasambandsins í máli sínu. Hann segir klárt mál að réttur sinn til að tjá sig hafi verið brotinn, en Snorra var sagt upp störfum eftir skrif um samkynhneigða á persónulegri bloggsíðu. Snorri er ekki búinn að tala við Kennarasambandið eftir að hann fékk uppsagnarbréfið. "Ég er bara búinn að leyfa þeim að fylgjast með áminningarferlinu, en ég er ekki búinn að setja mig í samband við þá eftir að ég fékk bréfið,“ segir Snorri.

Íslendingar duglegir að endurvinna áldósir

Um 85 prósent áldósa hér á landi rötuðu í endurvinnslu árið 2010 en það er lægsta hlutfallið á meðal Norðurlandanna. Í Finnlandi var endurvinnsluhlutfallið 95%, Í Noregi 93%, Í Danmörku 89% og Svíþjóð 87%.

Verður erfitt að minnast voðaverkanna í Útey

Næsta sunnudag verður ár liðið frá voðaverkunum í Útey, þegar 77 manns létust í árásum fjöldamorðingjans Anders Behring Breivik á stjórnarráðsbyggingar í Osló og sumarbúðir ungliða Verkamannaflokksins í Útey. Ungir jafnaðarmenn í Reykjavík ætla að minnast atburðanna í Minningarlundinum í Vatnsmýri á sunnudagskvöld klukkan hálfníu. Þar verða flutt ávörp og tónlist. Guðrún Jóna Jónsdóttir, formaður Ungra jafnaðarmanna, mun verða viðstödd minningarathöfn í Útey.

Tökur á mynd Russel Crowe að hefjast

Tökur á myndinni Noah, sem skartar Russel Crowe, Anthony Hopkins, Jennifer Conelly og Emma Watson í aðalhlutverkum hefjast von bráðar. Leikstjóri myndarinnar Darren Aronofsky, segir frá því á Twittersíðu sinni, að hann sé á leið til Íslands í dag. Þar birtir hann líka mynd af svæðinu þar sem myndin er tekin.

"Ég er bara ánægður að hafa komið einhverjum til bjargar"

"Auðvitað er það góð tilfinning þegar maður hefur komið einhverjum til bjargar - það er ekki spurning," segir Kristján Ingi Kristjánsson, sem bjargaði konu sem fékk hjartastopp á bílaplani við N1 í Hveragerði í byrjun mánaðarins.

Meira en 1000 dýr verða felld

Fyrsti hreindýrstarfurinn náðist strax á miðnætti en veiðitímabilið hófst í gær. Hann vóg 100 kíló og var skotinn á 50 metra færi í Breiðdal, að því er fram kemur í frétt á vef Austurgluggans. Eiður Gísli Guðmundsson var leiðsögumaður. Allnokkrir veiðimenn fóru strax til veiða.

Ský á Snæfellsnesi eins og fljúgandi furðuhlutur

"Þetta eru vindskafin netjuský sem myndast oft yfir fjallgörðum og lýsast upp í kvöldsólinni,“ segir Þorsteinn V. Jónsson, veðurfræðingur á Veðurstofu Íslands. Skýin sem sjást á myndinni hér til hliðar blöstu við ferðalöngum á Snæfellsnesi um helgina en þau sáust á lofti rétt fyrir miðnætti á laugardag.

Kærðu hvort annað fyrir líkamsárás

Karl og kona á tvítugsaldri kærðu hvort annað fyrir líkamsárás um helgina. Tildrög voru með þeim hætti að aðfaranótt sunnudags hafði karlmaðurinn verið að áreita konuna við veitingastað í Þorlákshöfn. Samkvæmt upplýsingum frá lögreglunni á Selfossi hleypti maðurinn lofti úr hjólbarða á bíl konunnar og pissað á hann. Konunni varð mjög misboðið og sparkaði í höfuð karlsins sem launaði fyrir með hnefahöggi í andlit konunnar. Bæði hlutu minni háttar áverka.

Endurheimti bíl sinn eftir 40 ár

Karlmaður sem varð fyrir því óláni að bíl hans var stolið árið 1970 endurheimti bílinn í dag. Maðurinn, sem heitir bob Russel, var nemandi við Temple háskóla í Fíladelfíu í Bandaríkjunum. Hann ók um á Austin-Healy 3000 Mk III sem hann hafði keypt af vini sínum á 3000 dali árið 1968.

Eyðibýli brann til kaldra kola

Íbúðarhúsið að eyðibýlinu Hóli í Dalabyggð brann til kaldra kola í morgun. Ekki hefur verið búið í húsinu í eitt ár, en það er þó enn tengt við rafmagn. Vegfarandi sá eld og reyk, frá húsinu á sjöunda tímanum í morgun og hringdi hann strax á slökkvilið Dalabyggðar í Búðardal, sem er í um 20 kílómetra fjarlægð.

Fjórir grunaðir um að hafa brotið gegn konu í miðborg Reykjavíkur

Kona var flutt á neyðarmóttöku Landspítalans fyrir þolendur kynferðisafbtota í gærmorgun eftir að hún fannst við Kjörgarð í miðborg Reykjavíkur. Lögreglan hefur handtekið fjóra menn vegna rannsóknar málsins. Þetta staðfestir Björgvin Björgvinsson, yfirmaður kynferðisbrotadeildar lögreglunnar. Hann segir að málið sé í rannsókn en vill að öðru leyti ekki tjá sig um það.

Hnoðaði lífi í ókunnuga konu á bílaplani

"Við viljum hafa uppi á honum til þess að geta þakkað honum fyrir,“ segir Bryndís Vilbergsdóttir, systir konu sem fékk hjartastopp á bílaplani við N1 í Hveragerði fyrr í þessum mánuði. Maður sem átti leið um bensínstöðina hnoðaði í hana lífi þar til sjúkraflutningamenn komu á vettvang.

Hafa sparað 575 milljónir vegna þunglyndislyfja

Stjórnvöld hafa náð verulegum árangri í að lækka lyfjakostnað og í fyrra lækkaði sá kostnaður þriðja árið í röð.

Margrét Pála fer til starfa á Tálknafirði

Margrét Pála Ólafsdóttir stofnandi Hjallastefnunnar hefur verið ráðinn skólastjóri Tálknafjarðarskóla, sem er sameinaður leik-, grunn- og tónlistarskóli Tálknafjarðar. Ríflega sjötíu nemendur stunda nám við skólann. Margrét Pála hefur störf um næstu mánaðarmót og mun sinna starfinu að minnsta kosti í eitt ár á meðan skólinn er að aðlagast Hjallastefnunni.

Saka stjórnvöld um að virða alþjóðasamninga að vettugi

Stjórnvöld gera innflutning á landbúnaðarvörum eins erfiðan og mögulegt er og Samtök verslunar og þjónustu þurfa að nýta flest úrræði sem tiltæk eru að lögum til að knýja á um að farið sé að alþjóðasamningum í þeim efnum. Þetta segja forystumenn Samtakanna, þau Margrét Kristmannsdóttir og Andrés Magnússon í grein sem birtist í Fréttablaðinu og á Vísi í dag. Þau segja það jafnframt dapurlegt að allir stjórnmálaflokkarnir á Alþingi virðist jafn áhugalausir um það að virða gerða samninga.

CNN: Þríhnjúkagígur er staður sem fólk verður að sjá

Þríhnjúkagígur er ofar en bæði Taj Mahal og Viktoríufossar á lista sem CNN sjónvarpsstöðin hefur tekið saman um þá 27 staði í heiminum sem fólk á að heimsækja áður en ævi þess lýkur.

Nauðganir vekja óhug í Svíþjóð

Sænskir fjölmiðlar hafa greint frá því að tilkynnt hefur verið um 21 nauðgun í landinu á síðustu þremur dögum. Þetta er óvenjumikill fjöldi nauðgana á svo stuttum tíma í Svíþjóð en nauðganir eru yfirleitt fleiri á sumrin en veturna í landinu.

Snarráðir vegfarendur stöðvuðu þjóf

Snarráðir vegfarendur náðu að stöðva ungan karlmann, sem hafði rænt veski af erlendri ferðakonu í Hanfarstræti undir kvöld í gær.

Miklir bardagar í úthverfum Damaskus

Miklir bardagar geisuðu í í Damaskus höfuðborg Sýrlands í gærdag og langt fram á kvöld milli stjórnarhersins og uppreisnarmanna. Sennilega er um mestu bardagana að ræða síðan átökin hófust í landinu í mars í fyrra.

Condolezza Rice óvænt í sviðsljósinu í Bandaríkjunum

Condolezza Rice fyrrum utanríkisráðherra Bandaríkjanna hefur óvænt stolið hinu pólitíska sviðsljósi vestan hafs um helgina.