Blackwater fengið til að drepa Al Kaída menn

Bandaríska stórblaðið New York Times greinir frá því í dag að bandaríska málaliðafyrirtækið Blackwater hafi verið ráðið af bandarísku leyniþjónustunni CIA til þess að hafa uppi á og drepa hátt setta menn innan Al Kaída hryðjuverkasamtakanna.

Lockerbie morðinginn laus úr haldi

Skosk yfirvöld tilkynntu í dag þá ákvörðun sína að sleppa úr haldi hryðjuverkamanninum Al Megrai sem dæmdur var fyrir Lockerbie ódæðið þegar 270 manns fórust um borð í þotu Pan Am flugfélagsins, árið 1988. Honum veður leyft að fara til heimalands síns Líbíu en hann er sagður þjást af krabbameini í blöðruhálskirtli.

Framsóknarmenn vilja ganga lengra í Icesave fyrirvörum

Framsóknarmenn vilja kveða fastar að orði í lagalegum fyrirvörum ríkisábyrgðar Icesave samningsins en meirihluti fjárlaganefndar. Höskuldur Þórhallsson, fulltrúi Framsóknar í fjárlaganefnd, hefur nú lagt fram breytingartillögur við fyrirvara fjárlaganefndar til vara verði frávísunartillaga þeirra ekki samþykkt.

240 milljarðar kunna að falla ríkissjóð

Framsóknarmenn leggja fram frávísunartillögu við Icesave samningana við aðra umræðu þeirra sem hófst á Alþingi í morgun. Ef 75% eigna Landsbankans innheimtast falla 240 milljarðar á ríkissjóð vegna Icesave eða sem svarar til 17% af landsframleiðslu, segir formaður fjárlaganefndar.

Norðurlöndin auka samstarf sín á milli vegna hrunsins

Auka á samstarf efnahagsbrotadeilda á Norðurlöndunum í tengslum við rannsókn á hruninu. Þetta var niðurstaða á árlegum fundi deildanna sem var haldinn hér á landi.

Borgarstjóri í fyrsta þætti Björns

„Mér þykir þetta nú bara skemmtilegt viðfangsefni," segir Björn Bjarnason, fyrrum dómsmálaráðherra, en nýr sjónvarpsþáttur hans á ÍNN hóf göngu sína í gærkvöld.

Anders Fogh vildi ekki tjá sig um framferði Breta gegn Íslendingum

Anders Fogh Rasmussen, framkvæmdastjóri Atlantshafsbandalagsins, er staddur á Íslandi. Er þetta fyrsta heimsókn nýs framkvæmdastjóra NATO til aðildarríkis bandalagsins.

Ólíklegt að ríkið komi að uppbyggingu á Valhallarreitnum

Ólíklegt er að afkoma ríkissjóðs á næstum árum leyfi byggingu nýs húss á Þingvöllum í stað þess sem brann í júlí, að mati Jóhönnu Sigurðardóttur forsætisráðherra. Hún hefur ekki hug á að breyta fyrirkomulagi yfirstjórnar þjóðgarðsins á Þingvöllum. Þetta kemur fram í svari Jóhönnu við fyrirspurn Sigurðar Inga Jóhannssonar, þingmanns Framsóknarflokksins, um uppbyggingu á Þingvöllum.

Leiðsögumaður: Ólafur Ragnar stóð sig eins og hetja

„Við feðgar fórum með Ólaf Ragnar og frú ásamt fleirum í tveggja tíma reiðtúr,“ segir hestamaðurinn Magnús Ólafsson, sem leiddi hópinn ásamt syni sínum sem er tamningamaður, um fallegar sveitir Húnaþings.

Tveir í haldi grunaðir um skartgriparánið í London

Tveir hafa verið handteknir í tengslum við gimsteinaránið sem framið var í London fyrir hálfum mánuði. Það var þann 6. ágúst síðastliðinn sem stærsta skartgriparán í sögu Bretlands var framið en þjófarnir komust á brott með skartgripi að andvirði 40 milljóna punda sem jafngildir um átta og hálfum milljarði íslenskra króna.

Enn eitt kjötránið á höfuðborgarsvæðinu

Enn eitt kjötránið var framið á höfuðborgarsvæðinu í nótt, þegar frystigámur var spenntur upp og miklu af lundum stolið. Nytjastuldur af þessu tagi færist jafnan í vöxt þegar þrengir að í þjóðfélaglinu.

Yngsti mannræningi á Íslandi ákærður í Barðastrandarmálinu

Axel Karl Gíslason, einn þeirra sem ákærður er fyrir innbrotið og frelsissviptinguna á Barðaströnd 25. maí síðastliðinn, á að baki tveggja ára fangelsisdóm fyrir að ræna starfsmanni Bónuss á Seltjarnarnesi árið 2005. Axel, sem var á skilorði á þeim tíma, neyddi starfsmanninn með hótunum ofan í skott á bíl og var svo ekið á brott. Bíllinn var stöðvaður við hraðbanka þar sem starfsmaðurinn var neyddur til að taka 30 þúsund krónur út úr hraðbanka, sem voru svo hirtar af honum.

Nýr forstjóri Innheimtustofnun sveitafélaga ráðinn

Nýr forstjóri hefur verið ráðinn til Innheimtustofnunar sveitarfélaga.

Framsóknarmenn vilja nýjar viðræður

Framsóknarflokkurinn vill að frumvarpi um ríkisábyrgð vegna Icesave verði vísað frá Alþingi og að ríkisstjórnin hefji viðræður við yfirvöld í Bretlandi og Hollandi um nýtt samkomulag.

Kosið í skugga hótana

Forsetakosningar standa nú yfir í Afganistan en þær fara fram í skugga hótana Talíbana um að gera árásir á kjörstaði.

Á 150 í Hafnarfirði

Lögregla stöðvaði bifhjólamann á Reykjanesbraut í Hafnarfirði í nótt, eftir að hann mældist á 150 kílómetra hraða. Hann var réttindalaus og hjólið ótryggt. Nokkru fyrr valt bíll á mótum Klapparstígs og Skúlagötu í Reykjavík, líklega vegna of mikils hraða í beygjunni. Þrír menn sáust hlaupa af vettvangi, en eigandi bílsins segir að þeir hafi tekið hann ófrjálsri hendi.

Ákærðir vegna innbrots á Barðaströnd

Fjórir menn hafa verið ákærðir vegna innbrots og frelsissviptingu á Barðaströnd þann 25. maí síðastliðinn.

Internetfíkill laminn til óbóta

14 ára gamall kínverskur drengur er á gjörgæslu eftir að hafa verið barinn nær til ólífis á námskeiði sem hann var á sem ætlað var að lækna hann af Internet fíkn sinni. Frá þessu greina kínverskir miðlar í dag en stutt er síðan annar unglingur dó við svipaðar aðstæður.

Icesave rætt á Alþingi

Guðbjartur Hannesson, formaður fjárlaganefndar Alþingis, mælti fyrir meirihlutaáliti fjárlaganefndar um ríkisábyrgð á lántöku Tryggingarsjóðs innistæðueigenda og fjárfesta þegar þingfundur hófst klukkan níu í morgun. Gert er ráð fyrir að málið verði samþykkt á Alþingi um helgina.

Ólafur Ragnar axlarbrotnaði aftur

Ólafur Ragnar Grímsson forseti, féll af hestbaki í Húnaþingi í gærkvöldi og brotnaði á vinsti öxl. Sjúkrabíll frá Hvammstanga flutti hann á Slysadeild Landsspítalans í Reykjavík.

Féll ofan af þaki og brotnaði á báðum höndum

Unglingspiltur féll ofan af þaki Vallaskóla á Selfossi í gærkvöldi og brotnaði á báðum handleggjum. Hann var fyrst fluttur á sjúkrahúsið á Selfossi og síðan á Slysadeild Landsspítalans í Reykjavík, þar sem han gekkst undir aðgerð vegna skaða á úlnlið.

Lockerbie morðingi losnar líklega í dag

Búist er við því að skosk yfirvöld tilkynni um það í dag að hryðjuverkamanninum Al Megrai sem dæmdur var fyrir Lockerbie ódæðið þegar 270 manns fórust um borð í þotu Pan Am flugfélagsins, árið 1988, verði sleppt úr haldi og hann sendur til Líbíu.

Jóhanna á lista yfir valdamestu konur heims

Jóhanna Sigurðardóttir forsætisráðhera hefur í fysta sinn náð inn á árlegan lista sem tekinn er saman yfir 100 valdamestu konur heimsins. Jóhanna vermir 74. sæti listans.

Morðvopnið brotið í mél í barsmíðunum

Áhaldið sem notað var til að myrða mann í Dalshrauni í Hafnarfirði á mánudags­kvöld var mölbrotið eftir atganginn og svo illa farið að lögreglumenn áttu erfitt með að greina hvað það var. Samkvæmt heimildum blaðsins var um einhvers konar eldhústæki að ræða, líklega brauðrist eða grill, um eða yfir kíló að þyngd.

Kjartan svarar ekki áskorunum

Kjartan Gunnarsson, fyrrum bankaráðsmaður Landsbanka, vill í engu svara áskorun fjármálaráðherra um að hann biðjist afsökunar á þætti sínum í bankahruninu né ávirðingum Jóns Baldvins Hannibalssonar sem birtust í gær.

Lífeyrissjóðir taki þátt í kaupum á HS Orku

Ríki og sveitarfélög hafa mikla hagsmuni af því að arður af auðlindum á borð við jarðvarma á Suðurnesjum verði eftir í landinu, segir Steingrímur J. Sigfússon fjármálaráðherra. Hann vill ekki að hlutur Orkuveitu Reykjavíkur í HS Orku verði seldur einka­aðilum.

Heldur sonum sínum fram að réttarhöldum

Borghildur Guðmundsdóttir, sem gert var að fara til Bandaríkjanna með syni sína tvo um helgina, heldur forræði yfir þeim fram til 15. október. Þá hefur verið ákveðið að réttað verði í forræðismáli hennar og fyrrum eiginmanns hennar, Richards Colby Busching.

Grolsch-léttölið ekki til úti í búð

Grolsch-léttöl fæst ekki í neinni af helstu matvöru­verslunum landsins í dag, þrátt fyrir að auglýsingar frá Öl­gerðinni um léttölið hafi sést undanfarið. Samkvæmt áfengislögum eru hvers konar auglýsingar á áfengi bannaðar.

Enn ein fléttan í bæjarstjórn Álftaness

Margrét Jónsdóttir, óháður bæjarfulltrúi á Álftanesi, og fulltrúar Á-listans, boðuðu til fundar á dögunum til að biðla til D-lista um samstarf. Ástæðan var að enn er óvissa um meirihlutasamstarf Á-lista þar sem ekki hefur tekist að ná samstöðu með Kristjáni Sveinbjörnssyni bæjarfulltrúa, samkvæmt heimildum Fréttablaðsins.

Landtökubann bak við tjöldin

Líklegast að Tinna muni sitja áfram

Þær Tinna Gunnlaugsdóttir, sitjandi þjóðleikhússtjóri, og Þórhildur Þorleifsdóttir voru, af þjóðleikhúsráði, metnar hæfastar til að gegna starfi þjóðleikhússtjóra, samkvæmt heimildum Fréttablaðsins.

Munu útskrifa 39 á skólaárinu

Alls verða 39 lögreglumenn útskrifaðir úr Lögregluskóla ríkisins á því skólaári sem nú er að hefjast, segir Arnar Guðmundsson, skólastjóri Lögregluskólans.

Samkynhneigðir verða fyrir árásum í Írak

Árásum á samkynhneigða karlmenn í Írak hefur fjölgað mjög í skjóli afskiptaleysis stjórnvalda. Þetta segja alþjóðlegu mannréttindasamtökin Human Rights Watch, sem hafa sent frá sér skýrslu um málið.

Ekkert verið rætt við Seðlabanka Evrópu

Ekki hefur verið farið í viðræður við Seðlabanka Evrópu um aðstoð við að koma á eðlilegum markaði með íslensku krónuna.

Kvartar undan Ban Ki-moon

Mona Juul, fastafulltrúi Noregs hjá Sameinuðu þjóðunum, gagnrýnir Ban Ki-moon, framkvæmdastjóra þeirra, harðlega í trúnaðarbréfi til utanríkisráðuneytis Noregs. Juul segir að Ban skorti bæði leiðtogahæfileika og persónutöfra auk þess sem hann fái hvimleið skapofsaköst.

Blaðamenn neita að hlýða stjórnvöldum

Afganskir blaða- og fréttamenn neita að verða við fyrirmælum stjórnvalda um að skýra ekki frá ofbeldisverkum frá klukkan sex að morgni til fimm síðdegis í dag, þegar gengið er til forsetakosninga í landinu.

Líkja Rasmussen við kreppu

Samtök hernaðar­andstæðinga hafa sent frá sér ályktun þar sem mótmælt er fyrirhugaðri komu Anders Fogh Rasmussen, aðalritara Atlantshafsbandalagsins, hingað til lands, en hann er væntanlegur í vikunni. Í ályktuninni segir að sjaldan sé ein báran stök, kreppa hafi dunið á þjóðinni, kvikusöfnun sé í helstu eldstöðvum landsins og nú sé von á Anders Fogh til landsins. Samtökin segja vandséð hvernig íslenskir ráðamenn geti frábeðið sér heimsókn ísraelsks ráðherra vegna árása Ísarelsmanna, en fundað síðan með „aðalritaranum vígfúsa“.- kóp

Lautarferð sem breytti Evrópu

Í gær minntust Ungverjar þess að fyrir tuttugu árum skipulagði hópur stjórnarandstæðinga lautarferð að landamærum Austurríkis til þess að krefjast meira frelsis og aukinna samskipta við nágranna sína vestan Járntjaldsins.

Skilar bæði arði og árangri

Hringsjá, náms- og starfsendurhæfing, er gríðarlega arðbær stofnun í rekstri, að sögn Ragnheiðar Lindu Skúla­dóttur, forstöðumanns Hringsjár. Ef nemandi, um þrítugt, sem annars væri á örorkubótum, kemur og endurhæfist á stofnuninni, fær fullt starf á meðallaunum til 67 ára og borgar sinn skatt, skilar hann um það bil jafn miklum peningum til samfélagsins og kostar að reka Hringsjá á ári.

Ákveða hvenær fólk er með vinum

„Ég skil ekki hvaða Stasi-vinnubrögð þetta eru,“ segir Jóhann Hlíðar Harðarson, einn skipuleggjenda bekkjarmóts 1963-árgangs Hólabrekkuskóla. Í Fréttablaðinu í gær var sagt frá því að STEF krafði að­standendur mótsins um leyfisgjald til þess að flytja tónlist á samkomunni, sem haldin verður 5. september. Gjaldið getur numið um 23 þúsund krónum. Jóhann segist ósáttur við vinnubrögð STEFs.

Segja leiðréttingu skulda vísi að samfélagssátt

„Öll þessi samtök voru alveg sammála um það að fleiri og fleiri væru að koamst í þá stöðu að gefast upp. Geta fólks til að greiða af lánum er að bresta og viljinn líka," segir Grétar Jónasson, framkvæmdastjóri Félags fasteignasala.

Ólafur Ragnar datt af hestbaki í Húnaþingi

Ólafur Ragnar Grímsson, forseti Íslands, féll af hestbaki þar sem hann var í hestaferð í Húnaþingi í kvöld, frá þessu var fyrst greint á DV.is. Hann mun nú vera á sjúkrahúsi í Reykjavík.

Segist ekki skulda þjóðinni afsökunarbeiðni

Hreiðar Már Sigurðsson, fyrrum bankastjóri Kaupþings, segist ekki skulda íslensku þjóðinni afsökunarbeiðni vegna aðkomu sinnar að bankahruninu. Þess í stað skuldi hann hluthöfum, kröfuhöfum og starfsmönnum bankans afsökunarbeiðni. Þetta kom fram í viðtali sem Sigmar Guðmundsson tók við Hreiðar í Kastljósi kvöldsins.

Jeppi valt á Skúlagötu

Jeppi valt á móts við Björnbakarí á Skúlagötu á tólfta tímanum í kvöld. Að sögn lögreglunnar á Höfuðborgarsvæðinu virðist sem engin slys hafi orðið á fólki, ekki var óskað eftir sjúkraaðstoð á vettvangi.

EES samningurinn gæti verið í uppnámi vegna neyðarlaga

EES samningurinn gæti verið í uppnámi ef í ljós kemur að neyðarlögin stangast á við ákvæði samningsins, segir fyrrum yfirlögfræðingur EFTA. Þrjátíu og níu evrópskir bankar og fjármálastofnanir hafa sent inn formlega kvörtun til eftirlitsstofnunar EFTA vegna setningu neyðarlaganna.