Lockerbie morðinginn laus úr haldi

Skosk yfirvöld tilkynntu í dag þá ákvörðun sína að sleppa úr haldi hryðjuverkamanninum Al Megrai sem dæmdur var fyrir Lockerbie ódæðið þegar 270 manns fórust um borð í þotu Pan Am flugfélagsins, árið 1988. Honum veður leyft að fara til heimalands síns Líbíu en hann er sagður þjást af krabbameini í blöðruhálskirtli.

Hann var sakfelldur árið 1999 fyrir aðild sína að ódæðinu en hann kom sprengju fyrir um borð í þotunni sem sprakk síðan í loft upp yfir skoska þorpinu Lockerbie. Al Megrai starfaði á sínum tíma fyrir leyniþjónustu Líbíu. Flestir þeirra sem fórust voru bandarískir ríkisborgarar og hefur Hvíta húsið þegar sent frá sér yfirlýsingu þar sem náðun Al Megrai er hörmuð.