Ólafur Ragnar datt af hestbaki í Húnaþingi

Ólafur Ragnar Grímsson, forseti Íslands, féll af hestbaki þar sem hann var í hestaferð í Húnaþingi í kvöld, frá þessu var fyrst greint á DV.is. Hann mun nú vera á sjúkrahúsi í Reykjavík.

Samkvæmt heimildum DV.is var Ólafur Ragnar í útreiðarferð þegar hestur hans hrasaði og forsetinn féll af baki. Segir þar að hann hafi meiðst á vinstri öxl og gangist nú undir læknisskoðun.

Þetta eru ekki fyrstu hremmingar Ólafs á hestbaki. Skemmst er frá því að minnast þegar hann datt af baki í útreiðatúr í Landsveit fyrir um tíu árum síðan.Við það axlarbrotnaði forsetinn og var þá fluttur með þyrlu til Reykjavíkur þar sem gert var að meiðslum hans.

Ekki liggur fyrir hve alvarleg meiðsli forsetans eru. Þó segir á vef DV.is að hann sé líklegast ekki brotinn.