Munu útskrifa 39 á skólaárinu

Alls verða 39 lögreglumenn útskrifaðir úr Lögregluskóla ríkisins á því skólaári sem nú er að hefjast, segir Arnar Guðmundsson, skólastjóri Lögregluskólans.

Nemendur hafa ekki hætt í lögreglunámi þrátt fyrir óánægju innan lögreglu og boðaðan niðurskurð, segir Arnar. Skólinn tekur ekki inn nýja nemendur fyrr en í fyrsta lagi haustið 2010, enda fer nemendafjöldi eftir þörf fyrir lögreglumenn og fjárveitingum.

Á síðasta ári útskrifuðust 78 nemendur úr skólanum, sem er metfjöldi. Enn hafa einhverjir þeirra ekki fengið fasta vinnu.