Kajakræðarinn kominn fram

Kajakræðarinn sem grennslast var eftir fyrr í dag er kominn fram og hefur haft samband við Landhelgisgæsluna.

Grétar ætlar að hætta

Grétar Þorsteinsson forseti Alþýðusambands Íslands tilkynnti á fundi miðstjórnar sambandsins í dag, að hann bjóði sig ekki fram til áframhaldandi setu í embætti þegar núverandi kjörtímabil hans rennur út. Grétar hefur verið forseti ASÍ í 12 ár.

Vann nauman sigur í umdeildu máli

Gordon Brown vann nauman sigur á breska þinginu í dag þegar samþykkt var með 315 atkvæðum gegn 306 að samþykkja umdeilt hryðjuverkafrumvarp. hans sem heimilar lögreglu að halda grunuðum hryðjuverkamönnum í 42 daga án þess að birta þeim ákærur.

Viðurkennir að Berlínarbollur séu innfluttar

Í yfirlýsingu frá Bakarameistaranum kemur fram að auk kleinuhringja og hnetuvínarbrauða í bakaríum keðjunnar séu Berlínarbollurnar og smjörhornin einnig innflutt frosin. Það stangast á við fyrri orð framkvæmdastjóra Bakarameistarans.

Kardináli í Vatikaninu segir heiminn vera með Íslam á heilanum

Jean-Louis Tauran kardináli sem sér um samskipti og tengsl við önnur trúarbrögð hjá Vatíkaninu segir heiminn vera heltekinn af Íslam. Hann ásamt deild sinni er að útbúa viðmiðanir til þess að skapa málefnalega umræða milli Kaþólsku kirkjunnar og annarra trúarbragða.

,,Málið er ekki í upplausn"

Júlíus Vífill Ingvarsson formaður stjórnar Faxaflóahafna segir að bókun Faxaflóahafna um Geirsgötustokk hafi verið gerð í ,,góðu samkomulagi" við Gísla Martein Baldursson formann umhverfis- og samgönguráðs. ,,Ég hef vissulega rætt þetta við hann og lét hann vita fyrir fram af þessari hugsanlegu bókun Faxaflóahafna."

ASÍ hefur þungar áhyggjur af efnahagshorfum

Miðstjórn ASÍ hefur sent frá sér ályktun um efnahagsmál. Þar er lýst „þungum áhygggjum“ yfir stöðu efnahagsmála.

Grennslast fyrir um kajakræðara

Menn á vegum Landsbjargar eru farnir að afla upplýsinga um bandarískan kajakræðara sem hugðist róa í kringum landið. Ekkert hefur spurst til hans síðan á laugardag.

Sárnar að missa stæðin

Bílastæðum í miðbæ Reykjavíkur fækkar um 120 vegna framkvæmda sem nú eru að hefjast á svokölluðum Alþingisreit við Tjarnargötu. ,,Það er sárt að missa þessi stæði," segir Kolbrún Jónatansdóttir framkvæmdastjóri Bílastæðasjóðs Reykjavíkurborgar.

Dópsmyglari fluttur til Reykjavíkur - myndir

Flugvél Landhelgisgæslunnar lenti fyrir stundu á Reykjavíkurflugvelli með Hollendinginn sem handtekinn var á Seyðisfirði í gær, grunaður um að hafa ætlað að smygla vel á annað hundrað kílóum af hassi inn til landsins.

Eitrun Yushchenko Úkraínuforseta fleytir fram læknisrannsóknum

Árið 2004 var eitrað fyrir Viktor Yushchenko forseta Úkraínu með þeim afleiðingum að verulega sást á andlitshúð hans. Eitrunin hefur hins vegar leitt til byltingar í meðferð díoxineitrunartilfella.

Lítið sést af hrefnu í hvalaskoðun á Faxaflóa að undanförnu

Lítið sem ekkert hefur sést af hrefnu á Faxaflóa síðustu þrjár vikurnar og er það mjög alvarleg staða fyrir hvalaskoðunina, sem er ein allra mikilvægasta afþreying í ferðaþjónustu á Íslandi.

Lalli Johns handtekinn í Hveragerði

Samkvæmt heimildum Vísis var síbrotamaðurinn Lalli Johns handtekinn í gær eftir innbrot í íbúð við Heilsustofnunina í Hvergerði. Innbrotið átti sér stað fyrir hádegi og mun húsráðandi hafa komið að Lalla í íbúð sinni eftir að hafa skotist i þvottahús. Í framhaldinu var Lalli færður til yfirheyrslu á lögreglustöðina á Selfossi.

Tveir bílstjórar látnir í mótmælum í Suður-Evrópu

Tveir vörubílstjórar eru látnir í mótmælum sem staðið hafa yfir á Spáni og Portúgal þar sem háu eldsneytisverði er andmælt.

Hænsnum slátrað í Hong Kong vegna hættu á fuglaflensu

Öllum lifandi hænsnum á mörkuðum og í búðum í Hong Kong verður slátrað þar sem fundist hefur H5N1-fuglaflensuveira í hænsnum á mörkuðum þar í borg. Slátra þurfti 2700 hænsnum um helgina eftir að eftirlitsmenn á svæðinu fundu veiruna í fimm hænsnum.

Fornleifauppgröftur við Alþingishúsið

Til stendur að fornleifauppgröftur hefjist 1. júlí á svokölluðum Alþingisreit við Tjarnargötu, Vonarstræti og Kirkjustræti. ,,Mjög merkar leifar hafa fundist á svæðinu í kringum reitinn. Þarna er hugsanlega að finna minjar frá landnámsárunum. Jafnvel frá miðöldum en lítið hefur fundist frá því tímabili," segir Garðar Guðmundsson hjá Fornleifastofnun Íslands.

Finnar samþykkja Lissabon-sáttmálann

Finnska þingið samþykkti í dag Lissabon-sáttmálann svokallaða, sem segja má að sé ný stjórnarskrá Evrópusambandsins.

Handtekinn Hollendingur þekktur smyglari

Heimildir Vísis herma að Hollendingurinn , sem handtekinn var í tengslum við smygl á tæplega 200 kílóum af hassi í Norrænu í gær, sé þekktur smyglari úr undirheimum Evrópu. Hann hefur þó ekki komið áður við sögu lögreglunnar hér á landi.

Parið sem gripið var í samförum í skriftarstólnum iðrast

Ítalskt par sem gripið var þegar það var að stunda kynlíf í skriftarstól í dómkirkju í Cesena á Ítalíu iðrast nú gjörða sinna. Þau voru staðin að verki þegar morgunmessa stóð yfir. Þau hafa nú sæst við biskup staðarins.

Atvinnuleysi nánast óbreytt

Eins prósents atvinnuleysi reyndist í maímánuði hér á landi og fjölgaði atvinnulausum um 22 frá fyrra mánuði. Atvinnuleysishlutfallið er því svo að segja óbreytt frá síðasta mánuði og hefur raunar verið eitt prósent frá áramótum.

Sjávarútvegsráðherra: Tilhæfulausar ásakanir

"Hér er verið að bera mig sökum sem eru tilhæfulausar," segir Einar K. Guðfinnsson sjávarútvegsráðherra. Vísir greindi frá óánægju heimamanna í Kaldrananeshreppi með úthlutun styrks vegna mótvægisaðgerða til tveggja manna sem eru veiðifélagar Einars.

Malbikun á Kringlumýrarbraut fram á kvöld

Búast má við töfum á Kringlumýrarbraut í dag og fram á kvöld vegna malbikunar þar. Byrjað var að fræsa götuna í morgun þegar tekin var fyrir ein akrein á eystri akbraut í akstursstefnu til norðurs frá sveitarfélagamörkum við Kópavog að Bústaðavegi.

Segja norrænu ríkin standa vel

Fjármálaráðherrar norrænu ríkjanna telja að fjárhagsleg staða hins opinbera í löndunum sé sterkt þrátt fyrir að minnkandi efnahagsvöxtur á alþjóðavettvangi sé farinn að draga úr aukningu útflutnings. Þetta kom fram á fundi þeirra í Svíþjóð í gær.

Enn leitað að eftirlifendum í flugslysi í Súdan

Yfirvöld í Súdan leita nú eftirlifenda eftir mannskætt flugslys í landinu í nótt.

Serbneskur stríðsglæpamaður gripinn nærri Belgrad

Stojan Zupljanin, einn fjögurra sem helst hefur verið leitað vegna stríðglæpa í Bosníustríðinu á árunum 1992 til 1995, var handtekinn nærri Belgrad í Serbíu í morgun.

Ísraelar fallast á Egypta sem sáttasemjara

Ísraelsstjórn samþykkti í morgun að styðja tilraunir Egypta til að miðla málum milli Ísraela og Hamas-liða á Gaza-svæðinu.

Kerstin Fritzl ætti að ná sér að fullu

Hin 19 ára Kerstin Fritzl ætti að ná fullri heilsu samkvæmt lækni hennar. Hún er ein af börnunum sem Josef Fritzl átti með dóttur sinni Elisabeth sem hann hélt fanginni í kjallara sínum í 24 ár. Kerstin hefur verið meðvitundarlaus frá því að veikindi hennar ljóstruðu upp um fangana í kjallaranum í apríl en hún vaknaði úr dái fyrir nokkrum dögum.

Svarthöfði er félagsmaður í Vantrú

Þegar biskup Íslands, prestar og djáknar gengu til setningar Prestastefnu í Dómkirkjunni í gær gekk heldur óvenjulegur maður á eftir hersingunni til kirkju.

Viðskipta- og hagfræðingar með yfir hálfa milljón í mánaðarlaun

Viðskipta- og hagfræðingar eru að meðaltali með 540 þúsund krónur í heildarlaun samkvæmt kjarakönnun sem Capacent Gallup gerði fyrir Félag viðskipta- og hagfræðinga.

Götuvirði hassins á bilinu 315 - 420 milljónir króna

Götuvirði hassins sem reynt var að smygla til landsins í húsbíl með Norrænu í gær er á bilinu 315 til 420 milljónir króna ef tekið er mið af upplýsingum sem finna má á heimasíðu SÁÁ.

Annþór í fjögurra ára fangelsi vegna hraðsendingarmáls

Annþór Kristján Karlsson var í morgun dæmdur í fjögurra ára fangelsi fyrir stórfellt fíkniefnasmygli í svokölluðu hraðsendingarmáli. Þrír samverkamenn hans voru einnig sakfelldir samkvæmt ákæru.

150 - 200 kíló af hassi í húsbílnum

Samkvæmt upplýsingum frá lögreglu er magnið í hassmálinu sem upp kom á Seyðisfirði í gær 150 - 200 kílógrömm. Hollenskur karlmaður hefur verið handtekinn vegna málsins og úrskurðaður í gæsluvarðhald til 9. júlí. Efnið fannst í húsbíl sem kom til landsins með Norrænu í gær.

Gagnrýna að veiðifélagar ráðherra fái milljónir í styrk

Iðnaðarráðuneytið úthlutaði tveimur mönnum sem eiga sumarbústað í Hveravík en búa á höfuðborgarsvæðinu átta milljónir króna í styrk til að leita að heitu vatni. Íbúar Kaldrananeshrepps, sem hlaut fjórar milljónir í styrk, eru furðu lostnir.

Metfjöldi umsækjenda um nám í lagadeild HÍ

Aldrei hafa borist fleiri umsóknir í grunnnám við lagadeild Háskóla Íslands en í ár en þær reyndust 327.

Fyrstu sumarsíldinni landað á Norðfirði

Togarinn Bjarni Ólafsson AK kom í gærdag með fyrstu sumarsíldina úr norsk-íslenska stofninum til Norðfjarðar.

Fyrrum konungi Nepal gert að yfirgefa höll sína

Fyrrum konungur Nepal, Gyanendra, hefur nú sofið sína seinustu nótt í höllinni í Kathmandu sem hefur verið heimili konungsfjölskyldunnar í meira en 100 ár. Gyanendra missti konungstign sína í seinasta mánuði þegar konugsveldið var numið úr gildi og lýðveldi undir stjórn Maóista.

Pakistanskir hermenn drepnir á landamærunum

Að minnsta kosti 18 manns voru drepnir í átökum á landamærum Pakistan og Afghanistan. Tíu af þeim voru pakistanskir hermenn sem hafa að öllum líkindum verið drepnir í loftárás bandaríska hersins. Hinir átta virðast hafa verið Talibanar.

Hundrað kíló af hassi í húsbíl í Norrænu - erlendur karlmaður handtekinn

Tollgæslan á Seyðisfirði lagði í gær hald á yfir hundrað kíló af hassi í húsbíl sem kom til landsins með Norrænu.

Baka á staðnum úr íslensku hráefni

Arnar Snær Rafnsson, framkvæmdastjóri og eigandi Café Konditori Copenhagen, hafnar því alfarið sem neytandi fullyrti á Vísi í gær að brauðin þar séu hituð upp frosin.

Vilja ekki að samkynhneigðir noti nafn eyjarinnar Lesbos

Þrír íbúar grísku eyjarinnar Lesbos hafa höfðað mál gegn samtökum samkynhneigðra í Grikklandi. Krefst þrenningin þess að samtökunum verði bannað að nota nafn sem vísar til heitis eyjarinnar.

Buðust til að segja af sér vegna nautakjötshneykslis

Allir ráðherrarnir í ríkisstjórn Suður-Kóreu buðust til að segja af sér í gær. Þetta gerðu þeir til að draga úr reiði almennings yfir ákvörðun stjórnarinnar síðan í apríl um að halda áfram innflutningi á amerísku nautakjöti.

Gripinn stuttu eftir rán á bensínstöð

Lögregla á Fjóni í Danmörku handtók vopnaðan ræningja aðeins nokkrum mínútum eftir rán í gærkvöldi.

Gleði og samstaða takast á í kosningum nyðra

Gleði og samstaða munu takast á í sveitarstjórnarkosningum í sameinuðu sveitarfélagi Aðaldælahrepps og Þingeyjarsveitar sem haldnar verða 28. þessa mánaðar.

Reyndi að stinga lögregluna af á Vesturlandsvegi

Ungur ökumaður á stolnum bíl reyndi að stinga lögreglu af með ofsaakstri eftir að hafa mælst á 144 kílómetra hraða á Vesturlandsvegi undir Úlfarsfelli um eittleytið í nótt.

Stærstu netveitur Bandaríkjanna loka á barnaklám

Andrew Cuomo, saksóknari New York-ríkis, hefur gert skriflegt samkomulag við þrjár stærstu netveitur Bandaríkjanna sem felur í sér að veiturnar loki algjörlega fyrir aðgang viðskiptavina sinna að vefsíðum sem innihalda klámfengið efni er tengist börnum.