Innlent

150 - 200 kíló af hassi í húsbílnum

Samkvæmt upplýsingum frá lögreglu er magnið í hassmálinu sem upp kom á Seyðisfirði í gær 150 - 200 kílógrömm. Hollenskur karlmaður hefur verið handtekinn vegna málsins og úrskurðaður í gæsluvarðhald til 9. júlí. Efnið fannst í húsbíl sem kom til landsins með Norrænu í gær.

Heimildir Vísis herma að lögreglumenn úr Reykjavík og frá sýslumannsembættinu á Seyðisfirði hafi unnið að málinu í alla nótt.

Í tilkynningu frá lögreglu segir að um talsvert magn sé að ræða og að tollgæslan á Seyðisfirði hafi notið aðstoðar tollgæslunnar í Reykjavík, lögreglunnar á Seyðisfirði og lögreglunnar á Akureyri í málinu.

Þeir farþegar sem komu með Norrænu í gær og urðu varir við afskipti lögreglu af húsbíl eru beðnir um að hafa samband við Vísi, annaðhvort í síma 8210320 eða í gegnum netfangið ritstjorn@visir.is.


Tengdar fréttir

Götuvirði hassins á bilinu 315 - 420 milljónir króna

Götuvirði hassins sem reynt var að smygla til landsins í húsbíl með Norrænu í gær er á bilinu 315 til 420 milljónir króna ef tekið er mið af upplýsingum sem finna má á heimasíðu SÁÁ.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×