Opið í Bláfjöllum í dag

Skíðasvæðið í Bláfjöllum verður opið í dag, síðasta vetradag, en veður er nú mjög gott í fjöllunum og færð góð. Í Kóngsgili verða tvær lyftur opnar og þá verður kaðallyfta við Bláfjallaskála einnig opin.

Reisugildi vegna nýs Háskólatorgs HÍ

Starfsmenn og stúdentar Háskóla Íslands og Kennaraháskóla Íslands fagna í reisugildi í dag byggingu nýs Háskólatorgs við Háskóla Íslands. Um er að ræða tíu þúsund fermetra þjónustu- og kennslubyggingu á háskólalóðinni sem hafist var handa við fyrir réttu ári og verður vígð í lok þessa árs, á fullveldisdaginn 1. desember.

Gengur vel að draga Wilson Muuga til hafnar

Vel gengur að draga flutningaskipið Wilson Muuga til hafnar og er von á skipinu til Hafnarfjarðarhafnar um klukkan ellefu í kvöld. Dráttarbáturinn Magni hefur verið með skipið í togi allt frá því það var dregið á flot um sex leytið í kvöld.

Óttast hefndaraðgerðir í kjölfar fjöldamorðanna

Suður Kóreskir stúdentar í Bandaríkjunum óttast að verða fyrir hefndarárásum í kjölfar fjöldamorðanna í Virginia Tech háskólanum í Blacksburg í Virginíufylki í gær. Stúdentar frá Suður Kóreu skipa stærsta hóp erlendra námsmanna í Bandaríkjunum og hafa Suður Kóresk stjórnvöld lýst yfir áhyggjum vegna málsins.

Hagkvæmniathugun vegna álvers á Bakka haldið áfram

Iðnaðarráðuneytið, Norðurþing og Alcoa hafa komið sér saman um að halda áfram hagkvæmniathugun vegna álvers á Bakka við Húsavík. Þetta kemur fram í yfirlýsingu frá Alcoa og Norðurþingi.

Útlendingar áhugasamir um orkumál Íslendinga

Áhugi umheimsins á orkumálum Íslendinga er orðinn slíkur að það er nánast í hverri viku sem einhverjir erlendir fréttamiðlar og sjónvarpsstöðvar koma til landsins til að kynnast því sem hér er að gerast

Knútur tekur tennur

Hvítabjarnarhúnninn Knútur skemmti gestum í dýragarðinum í Berlín í dag en í gær fékk hann að hvíla sig af því að hann var með tannverki. Að sögn dýrahirða í garðinum bar litli anginn sig þá aumlega þar sem hann er að taka tennur en nokkrar verkjatöflur hafa hins vegar slegið á óþægindin.

Sego saxar á Sarko

Segolene Royal, frambjóðandi sósíalista í frönsku forsetakosningunum, hefur sótt mjög í sig veðrið undanfarna daga og mælist nú með nánast jafn mikið fylgi og helsti keppinautur sinn, Nicolas Sarkozy. Fyrri umferð kosninganna fer fram á sunnudaginn.

Allir flokkar vilja lengja fæðingarorlofið

Allir stjórnmálaflokkar landsins vilja lengja fæðingarorlofið, flestir í tólf mánuði. Enginn stærstu flokkanna vill þó lofa lengingu strax á næsta kjörtímabili. Sjálfstæðisflokkurinn vill einn flokka skoða stöðu Íbúðalánasjóðs.

Andúð á ríkum ungmennum sögð ástæðan

Andúð á auðugum ungmennum er sögð rót fjöldamorðanna óhugnanlegu í Blacksburg í Virginíu í gær. 23 ára gamall suðurkóreskur maður stráfelldi þá 32 samnemendur sína og starfsmenn við aðalháskóla borgarinnar. Íslensk kona sem stundar nám við skólann segir mikinn samhug hafa ríkt á meðal nemenda skólans í dag.

Ákvörðun um flugvöll ekki tímabær

Vilhjálmur Þ. Vilhjálmsson borgarstjóri segir skýrslu flugvallarnefndar sýna að þjóðhagslega hagkvæmast sé að byggja nýjan flugvöll á Hólmsheiði. Hann telur þó of snemmt að ákveða hvort Reykjavíkurflugvöllur fari úr Vatnsmýri.

Olíuhreinsistöð í tillögu Vestfjarðanefndar

Uppbygging olíuhreinsistöðvar á Vestfjörðum er meðal hugmynda sem kynntar eru í skýrslu nefndar forsætisráðherra um leiðir til að styrkja atvinnulíf í fjórðungnum. Geir H. Haarde segir þó ekki tímabært að taka afstöðu til verkefnisins.

Stórefla þurfi atvinnuþátttöku eldri borgara og öryrkja

Fjöldi Íslendinga yfir áttræðu á eftir að fimmfaldast fram til ársins 2050, úr 9 þúsundum í 45 þúsund og meðalævi fólks lengist um 7 ár. Aðstoðarframkvæmdastjóri Samtaka atvinnulífsins segir að stórefla þurfi atvinnuþátttöku eldri borgara og örkulífeyrisþega á næstu árum vegna hækkandi aldurs.

Skilorðsbundið fangelsi fyrir fíkniefnabrot og vörslu ólöglegs skotvopns

Karlmaður á fertugsaldri var í Héraðsdómi Reykjavíkur í dag dæmdur í 60 daga skilorðsbundið fangelsi fyrir brot á fíkniefnalögum og fyrir vörslu ólöglegs skotvopns. Þá var manninum gert að greiða tæpar 300 þúsund krónur í málsvarnar- og sakarkostnað.

Bush talar á minningarathöfn

Bush Bandaríkjaforseti verður viðstaddur minningarathöfn sem haldin verður í kvöld vegna skorárása í Háskólanum Virginia Tech í Bandaríkjunum í dag. Að sögn Dagmar Kristínar Hannesdóttur nemanda við skólann er löng röð farinn að myndast fyrir utan.

Vinstri grænir vilja ekki innanlandsflug til Keflavíkur

Flutningur innanlandsflugs frá flugvellinum í Vatnsmýrinni til Keflavíkur kemur ekki til álita að mati borgarstjórnarflokks Vinstri grænna. Þetta kemur fram í yfirlýsingu sem flokkurinn sendi frá sér. Telur flokkurinn að flugvöllur á Hólmsheiði sé besti kosturinn frá þjóðhagslegu sjónarmiði.

Kóreumenn óttast fordóma

Utanríkisráð Suður Kóreu hræðist fordóma vegna skotárásar kóranska nemandans Cho Seung-Hui við Virginia Tech Háskóla í Bandaríkjunum. Um 500 kóreanskir og kóreanskir Bandaríkjamenn eru nemendur við skólann og vonast utanríkisráðherran til þess að þau verði ekki fyrir aðkasti vegna þessa.

Telja lífskjörin árið 2050 verða jafngóð og nú

Meirihluti íslensku þjóðarinnar telur að lífskjör á Íslandi árið 2050 verði líkt og nú meðal þeirra bestu í heimi. Þetta kemur fram í nýrri könnun Capacent Gallup fyrir Samtök atvinnulífsins og greint er frá á vef samtakanna.

Segja morðingjann hafa skilið eftir bréf

Erlendir fjölmiðlar greina frá því að Cho Seung-hui, Suður-Kóreumaðurinn sem myrti 32 í Virginia Tech háskólanum í blacksburg í Virginíu í gær, hafi skilið eftir sig bréf þar sem hann hafi kvartað undan „ríkum krökkum“ eins og það er orðað.

Með byssukúlu í hjartanu í 39 ár

Byssukúla var á dögunum fjarlægð úr hjarta vietnamsks manns. Hann hafði gengið með hana í hjartastað í þrjátíu og níu ár, allt frá því hann var skotinn í Vietnam stríðinu. Le Dihn Hung, sem nú er sextugur mátti þola verki vegna byssukúlunnar öll þessi ár. En það var fyrst núna sem læknar treystu sér til þess að fjarlægja hana.

Ætla að kolefnisjafna ríkisbifreiðar og flugferðir

Ríkisstjórnin samþykkti á fundi sínum í morgun að kolefnisjafna allar bifreiðar stjórarráðsins og sömuleiðis flugferðir ríkisstarfsmanna bæði innanlands og utan frá og með næstu áramótum.

Rússar fá nýjan kjarnorkukafbát

Rússar hafa sjósett sinn fyrsta nýja kafbát frá falli Sovétríkjanna. Hann er sagður margfallt öflugri en þeir kafbátar sem fyrir eru í rússneska flotanum. Báturinn ber hið kuldalega nafn Borei, sem þýðir heimskautavindur. Hann verður búinn langdrægum kjarnorkueldflaugum sem er hægt að skjóta hvort sem er ofan sjávar eða neðan.

Garðar Cortes syngur fyrir West Ham gegn Chelsea

Eggert Magnússon hefur fengið Garðar Thór Cortes óperusöngvara til að mæta á Upton Park og hefja upp raust sína annað kvöld. Garðar ætlar að syngja kjark í liðsmenn West Ham fyrir mikilvægan leik þeirra í fallbaráttunni gegn Chelsea.

Allir flokkar fallast á flugvöll á Hólmsheiði

Allir flokkar í borgarstjórn lýstu því yfir á borgarstjórnarfundi í dag að þeir gætu fallist á flugvöll á Hólmsheiði en rætt var um framtíð flugvallarins í Vatnsmýrinni út frá skýrslu sem unnin hefur verið um málið.

Björg til bjargar

Björgunarskip Slysavarnafélagsins Landsbjargar, Björg frá Rifi, er nú að sækja bát sem er með bilaðan gír um 24 sjómílur vestnorðvestur af Rifi.

Þrettán sinnum hættulegra að fljúga til Rússlands

Rússland er sá staður á jörðinni sem er hve hættulegast að fljúga til. Þetta kemur fram í nýrri samantekt Alþjóðlega flugeftirlitsins fyrir árið 2006. Rússland og önnur lönd innan fyrrverandi lýðveldis Sovétríkjanna voru með þrettán sinnum fleiri flugslys en meðaltal var í heiminum í heild.

Íslendingur við áfallahjálp í Blacksburg

Íslensk kona, Dagmar Kristín Hannesdóttir, hefur boðið fram aðstoð sína í áfallahjálp við Virginia Tech háskólann í Blacksburg ásamt nokkrum samnemendum sínum vegna skotárásanna í bænum í gær.

Ásta og Jakob Frímann í Suður- og Suðvesturkjördæmum

Ásta Þorleifsdóttir, jarðfræðingur úr Reykjavík, og Jakob Frímann Magnússon, tónlistarmaður úr Mosfellsbæ leiða lista Íslandshreyfingarinnar í Suður- og Suðvesturkjördæmi í þingkosningum í vor.

Kynna skýrslu vegna atvinnumála á Vestfjörðum

Boðað hefur verið til fundar í Stjórnarráðinu klukkan 15.30 í dag þar sem forsætisráðherra og iðnaðarráðherra munu kynna nýja skýrslu nefndar um leiðir til að styrkja atvinnulíf á Vestfjörðum.

Trylltust eftir að meintur morðingi var sýknaður

Stólar flugu og dómsverðir beittu piparúða og kylfum eftir að danskur karlmaður af líbönsku bergi brotinn var í dag sýknaður í Vestri landsrétti í Árósum af ákæru um að hafa myrt Tyrkja í júlí í fyrra.

Þungamiðja búsetu færist um 44 metra á milli ára

Þungamiðja búsetu á höfuðborgarsvæðinu er nú í bakgarði við Goðaland 5 í Fossvogi samkvæmt útreikningum framkvæmdasviðs Reykjavíkurborgar. Þyngdarpunkturinn, sem er reiknað meðaltal búsetu allra íbúa á höfuðborgarsvæðinu, hefur frá því mælingar hófust verið í Fossvogshverfi en verið á siglingu austur eftir hverfinu.

Átta milljónir þurfa á hjálp að halda

Fjöldi þeirra sem þurfa á bráðri hjálp að halda í Írak er átta milljónir, þar á meðal tvær milljónir flóttamanna og tvær milljónir heimilislausra. Þetta kom fram á sérstökum fundi sem haldin var um málefni Írak.

Morðinginn í Blacksburg var frá Suður-Kóreu

Maðurinn sem skaut 32 manns til bana í Virginia Tech háskólanum í Blacksburg í Virginíu í gær hét Cho Seung-hui og var suðurkóreskur. Hann var 23 ára og var á lokaári í enskunámi við skólann. Lögregluyfirvöld greindu frá þessu á blaðamannafundi í skólanum í dag.

Bændablaðið opnar fréttavef

Bændablaðið hefur opnað fréttavef á Netinu þar sem fjallað verður um það helsta sem er að gerast í íslenskum og erlendum landbúnaði ásamt því að gera hverskonar landsbyggðarmálefnum góð skil.

N-Kóreumenn virðast byrjaðir að loka kjarnorkuveri

Svo virðist sem Norður-Kóreumenn séu byrjaðir að loka Yongbyon-kjarnorkuverinu í samræmi við samkomulag sem sexveldin svonefndu gerðu með sér fyrir nokkrum mánuðum.

Frambjóðendur innleystu Þjóðargjöfina

Frambjóðendur fyrir kosningarnar í vor sem hafa jafnframt gefið út bækur, tóku þátt í því að innleysa Þjóðargjöfina 2007 í Máli og menningu á Laugaveginum í morgun.

Beðið eftir niðurstöðum úr sýntaökum úr hval

Ekki biti af hvalkjöti hefur selst frá því að veiðar hófust í október í fyrra og eru hátt í hundrað tonn af kjöti nú í frystigeymslum. Beðið er eftir niðurstöðum úr sýnatöku að utan, en án gæðavottunar er ekki hægt að selja kjötið úr landi.

Royal sækir á í Frakklandi

Ef marka má nýjustu skoðanakannanir hefur Segolene Royal, frambjóðandi sósíalista í frönsku forsetakosningunum, unnið upp forskot Nicolas Sarkozy, frambjóðanda hægri manna.

Samgöngumiðstöð byggð óháð því hvort völlurinn verði áfram

Sturla Böðvarsson samgönguráðherra segir samgöngumiðstöð á Reykjavíkurflugvelli óháða því hvort flugvöllurinn verði þar um alla framtíð. Hann segir samkomulag milli sín og borgarstjóra um að leita allra leiða til að ná sátt um flugvallarmálið.

Hvað kostar landsfundur?

Sjálfstæðisflokkurinn býst ekki við að gefa sérstaklega upp kostnað við landsfundinn um helgina.

Glæpahringur drepur 17 manns í Mexico

Lögreglan í Mexico fann sautján lík sem búið var að fleygja á göturnar eða geyma í bílum þvert yfir Mexico í gær. Fimm manns fundust látin í sendiferðabíl í borginni Kancun. Tveir aðrir fundust í bíl um 100 mílur frá Mexico borg. Á miða sem fannst á vettvangi er Joaquin Guzman, forsprakki glæpahringsins Sinaloa hótað, en hann slapp úr fangelsi árið 2001.

Yfirvöld sökuð um að hafa brugðist of hægt við

Yfirvöld í Blacksburg í Virginíu liggja nú undir miklu ámæli fyrir að hafa ekki brugðist nægilega hratt við þegar vopnaður maður skaut 32 nemendur og kennara í háskóla í borginni til bana í gær. Upplýst hefur verið að maðurinn var sjálfur nemandi við skólann og af asísku bergi brotinn.

N1 siðlaus og ósvífin

N4, norðlenskt fjölmiðlafyrirtæki, kannar nú réttarstöðu sína vegna nýs nafns og firmamerkis N1, olíufélagsins Essó. Merkin eru sláandi lík segir stjórnarformaður N4. Hann segir athæfið bæði ósvífið og siðlaust.

Opið í Bláfjöllum í dag

Opið í dag í Kóngsgili í Bláfjöllum frá kl. 14 til 21. Kóngurinn verður opinn og Lilli klifurmús og við Bláfjallaskála verður kaðallyftan Patti broddgöltur opinn ásamt Hérastubbi.

Vélmenni í stöðugri þróun

Ný og þróaðri tegund vélmenna sem framkvæma ekki einungis fyrir fram forritaðar aðgerðir heldur bregðast við umhverfi sínu á margvíslegan hátt eins og mannskepnan er að ryðja sér til rúms.