Vinstri grænir vilja ekki innanlandsflug til Keflavíkur

Flutningur innanlandsflug frá flugvellinum í Vatnsmýrinni til Keflavíkur kemur ekki til álita að mati borgarstjórnarflokki Vinstri grænna. Þetta kemur fram í yfirlýsingu sem flokkurinn sendi frá sér. Telur flokkurinn að flugvöllur á Hólmsheiði sé besti kosturinn frá þjóðhagslegu sjónarmiði.

Í yfirlýsingunni fagnar borgarstjórnarflokkur Vinstri grænna niðurstöðu starfshóps sem unnið hefur að úttekt á flugvallarkostum. Að mati flokksins er Hólmsheiði besti kosturinn ef flytja á flugvöllinn úr Vatnsmýrinni. Sú staðsetning sameinar kosti þess að byggja upp Vatnsmýrina en um leið tryggja góða og greiðan aðgang landsmanna allra að höfuðborginni, sem flokkurinn telur óhjákvæmilegt.

Þá leggur borgarstjórnarflokkur Vinstri grænna kapp á að samhliða veðurrannsóknum verði hafin vinna við umhverfismat hinna mismunandi flugvallakosta, en tekur þó fram að flutningur innanlandsflugs til Keflavíkur komi ekki til álita.

Utan dagskrá umræða um málefni Reykjavíkurflugvallar fór fram á fundi borgarstjórnar í dag.