Lagt til að búðunum við Guantanamo-flóa verði lokað

Rannsóknarnefnd á vegum Sameinuðu Þjóðanna leggur til að fangabúðum Bandaríkjamanna við Guantanamo-flóa á Kúbu verði lokað. Í skýrslu frá rannsakendunum, sem bandaríska dagblaðið Los Angeles Times hefur komist yfir, segir að meðferð fanganna þar stangist á við alþjóðalög og að þeir megi þola hreinar og beinar pyntingar.

Aðhefst ekkert vegna þriggja samruna

Samkeppnisstofnun hefur ákveðið að aðhafast ekkert vegna þriggja samruna fyrirtækja. Um er að ræða kaup Kvosar, sem meðal annars á Odda og Tímaritaútgáfuna Fróða á Skólavörðubúðinni, kaup Pennans á Bókabúð Keflavíkur og Samruna Saga Film og Storms ehf.

Breska þingið samþykkir lög um nafskírteini

Breska þingið samþykkti í kvöld frumvarp ríkisstjórnar Tonys Blairs, forsætisráðherra, um nafnskírteini. Frumvarpið var samþykkt naumlega með 310 atkvæðum gegn 279.

Pólska þingið verður ekki rofið

Þing verður ekki rofið og ekki verður boðað til kosninga fyrr en ella samkvæmt ákvörðun Kaczynski, Póllandsforseta, sem hann kynnti í kvöld. Í dag var síðasta tækifæri forsetans á þessu kjörtímabili til að beita stjórnskipulegu valdi sínu og rjúfa þing. Fjölmiðlar höfðu heimildir fyrir því að forsetinn ætlaði að leysa upp þing til að refsa þingmönnum fyrir að hafa ekki samþykkt fjárlög í síðasta mánuði.

Komið til móts við fækkun rýma á Sólvangi

Tíu dvalarrýmum á Hrafnistu í Hafnarfirði verður breytt í hjúkrunarrými til að koma til móts við fækkun rýma á hjúkrunarheimilinu Sólvangi. Þetta er meðal þess sem fram kom á blaðamannafundi í dag þar sem kynntar voru tillögur nefndar um uppbyggingu öldrunarþjónustu í Hafnarfirði.

Abbas fær víðtækari völd - Hamas-liðar ævareiðir

Hamas-samtökin eru ævareið vegna þeirrar ákvörðunar fráfarandi þings palestínsku heimastjórnarinnar að veita Mahmoud Abbas, forseta, víðtæk völd til viðbótar þeim sem hann hefur nú þegar.

Sekt fyrir verðsamráð

Félag íslenskra hljómlistarmanna verður að greiða hundrað þúsund krónur í sekt í ríkissjóð fyrir ólöglegt verðsamráð.

Atvinnuleysi eykst lítillega

Atvinnuleysi í janúar var lítillega meira en í desember en samt nær tvöfalt minna en í janúar á síðasta ári. Atvinnuleysi mældist 1,6 prósent í síðasta mánuði en eitt og hálft prósent í mánuðinum á undan. Í janúar á síðasta ári mældist atvinnuleysi þrjú prósent.

Önnur sprengjuárás á fjórum dögum

Að minnsta kosti sex særðust alvarlega en enginn týndi lífi þegar sprengja sprakk í stórmarkaði í Istanbúl, stærstu borg Tyrklands, í dag. Þetta er önnur sprengjuárásin þar í borg á fjórum dögum.

Átta kíló af kókíni gerð upptæk á Kastrup

35 ára gamall Spánverji var handtekinn með átta kíló af kókíni á Kastrup flugvelli í gær. Maðurinn kom með flugvél frá Rio de Janeiro í Brasilíu og var stöðvaður á landgöngubrúnni frá flugvélinni að flugstöðvarbyggingunni. Maðurinn hefur verið dæmdur í 25 ára gæsluvarðhald, þar af 11 daga íeinangrun.

Þakið rifið af stúku Laugardalsvallar

Sjö tonn af stáli og timbri svifu um loftið í Laugardalnum um kvöldmatarleytið þegar starfsmenn Ístaks voru á fullu við að rífa þakið á gömlu stúkunni á Laugardalsvelli.

Mikil flóð í Kína

Ekki er vitað um mannfall í miklum flóðum í norður og norð-vestur Kína síðustu daga. Mikið hefur flætt vegna ofankomu en einnig hefur flætt þar sem snjór og ís hefur bráðnað.

Fuglaflensa á Ítalíu og í Grikklandi

Evrópusambandið ætlar að herða eftirlit með svæðum á Ítalíu þar sem hið hættulega H5N1 afbrigði fuglaflensu hefur greinst í villtum fuglum. Flensan hefur einnig greinst í fuglum í Norður-Grikklandi en tilfellin þar og á Ítalíu eru þau fyrstu í ríkjum Evrópusambandsins.

37 milljón króna viðbótartekjur fyrir ríkissjóð

Ríkissjóður ætlar að ná 37 milljóna króna viðbótartekjum með því að hækka gjald fyrir íslenskan ríkisborgararétt og með gjalddtöku á rafræna áskrift að Lögbirtingarblaðinu. Þetta upplýsti fjármálaráðherra við upphaf þingfundar á Alþingi í dag.

Slökkviliðs- og sjúkraflutningamenn bíða enn samnings

Engar niðurstöður liggja fyrir með endurnýjun kjarasamninga milli Launanefndar sveitafélaga og Landsambands slökkviðsmanna- og sjúkraflutningamanna að svo stöddu. Fulltrúar beggja aðila fóru yfir stöðu mála á fundi í dag og þá möguleika sem væru fyrir hendi, en kjarasamningur landsambands slökkviliðs- og sjúkraflutningamanna við Launanefndar sveitafélaga rann út um áramótin.

Íranar ætla að auðga úran

Íranar ætla að hefja auðgun úrans þann 7. mars næstkomandi. Þeir hafa frestað viðræðum við Rússa um að þeir auðgi fyrir þá úran í Rússlandi og flytji það til Írans. Bandaríkjamenn hafa sagt að það komi ekki til greina að Íranar fái að halda áfram áætlunum sínum og útiloka ekki árásir á landið.

Langt að aka en stutt að ganga

Langt er að fara akandi á milli húsa í nýjustu hverfum Kópavogs og Seljahverfisins í Reykjavík þótt aðeins fáir metrar séu á milli húsanna. Formaður skipulagsráð Kópavogs segir íbúa Seljahverfisins ekki hafa viljað tengingu á milli hverfanna og því sé þetta niðurstaðan.

Syntu 100-150 metra í land þegar bátur þeirra sprakk

Tveir tólf ára drengir voru hætt komnir þegar gúmmíbátur þeirra sprakk á Hvaleyrarvatni um helgina. Drengirnir náðu að synda í land þar sem móðir annars þeirra óð í vatnið á móti þeim. Drengjunum heilsast vel og þeir eru ánægðir með að vera á lífi eftir þennan hildarleik.

Breytingar á vörugjöldum til að lækka matvælaverð

Halldór Ásgrímsson, forsætisráðherra, boðar breytingar á vörugjöldum til að lækka matvælaverð. Hann vonast til að nefnd, sem hann skipaði til að kanna orsakir hás verðlags matvæla hérlendis, skili tillögum í haust.

Oktavía segir vistaskipti sín ekki vera mistök

Oktavía Jóhannesdóttir, sem bauð sig fram í prófkjöri sjálfstæðismanna á Akureyri um helgina eftir að hafa gengið úr Samfylkingunni skömmu fyrir áramót, segir vistaskiptin ekki hafa verið mistök. Oktavía sóttist eftir fjórða sæti á lista Sjálfstæðisflokksins en endaði í því fimmtánda.

Mislæg gatnamót hringvegar í Reykjavík boðin út

Vegagerðin hefur boðið út gerð mislægra gatnamóta Suðurlandsvegar og Vesturlandsvegar ofan Grafarvogs

Samstarf með Sjálfstæðisflokki ólíklegt

Borgarstjóraefni Samfylkingarinnar telur að Samfylkingin og Sjálfstæðisflokkurinn eigi ekki samleið í borgarstjórn vegna málefnaágreinings. Hann telur hins vegar að gömlu R-lista flokkarnir geti unnið saman áfram.

Borgarstjóra og oddvita Samfylkingarinnar ýtt til hliðar

Oddviti sjálfstæðismanna í borginni segir sigur Dags B. Eggertssonar í prófkjöri Samfylkingarinnar í Reykjavík ekki koma á óvart og bendir á að borgarstjóra og oddvita flokksins í borginni hafi verið ýtt til hliðar.

Þingkosningar í Póllandi?

Flest bendi til að Kaczynski, forseti Póllands, leysi upp þing landsins og boði til þingkosninga í ræðu sem hann heldur í kvöld. Sú ákvörðun væru svar hans við þeirri ákvörðun þingsins að samþykkti ekki fjárlög þegar greidd voru atkvæði um þau í lok janúar.

Skorað á Símann að opna aftur á Laugavegi

Þróunarfélag miðborgarinnar skorar á Símann að endurskoða þá ákvörðun sína að loka verslun sinni við Laugaveg. Félagið hvetur Símann til að hefja þar verslunarrekstur á ný hið fyrsta.

Mannskæð sprenging í Afganistan

Fjórir bandarískir hermenn féllu þegar sprengja sprakk í Afganistan í dag. Hermennirnir voru við eftirlit í Uruzgan-héraði ásamt afgönskum hersveitum þegar sprengja sprakk undir bíl þeirra með fyrrgreindum afleiðingum.

Bandaríkjamenn útiloka ekki hernaðaraðgerðir gegn Íran

Bandaríkjamenn útiloka ekki hernaðaraðgerðir gegn Íran, en munu reyna samningaviðræður fram í lengstu lög. Þetta sagði Condoleezza Rice, utanríkisráðherra Bandaríkjanna í sjónvarpsþætti í gær.

Viðræður um tollalækkun og afnám útflutningsálags

Viðræður eru fyrirhugaðar milli fulltrúa Íslands og Evrópusambandsins um mögleika á frekari tollalækkunum á sjávarafurðum gegn hugsnlegu afnámi útflutningsálags á ferskan fisk. Einar K. Guðfinnsson, sjávarútvegsráðherra, átti í dag fund með Joe Borg, sem fer með sjávarútvegsmál í framkvæmdastjórn ESB.

Ungum sjálfstæðismönnum hafnað:

Ungir sjálfstæðismenn á Akureyri eru ósáttir við rýran hlut ungmenna að loknu prófkjöri flokksins á Akureyri. Þeir segja eldra fólkið hafa hafnað ungliðunum í kjörinu og niðurstaðan sé kjaftshögg.

Saddam Hússein lætur ófriðlega í réttarsal

Réttarhöldunum yfir Saddam Hússein, fyrrverandi forseta Íraks, var í frestað fram á morgun eftir viðburðarríkan dag í réttarsalnum. Saddam lét þá loks sjá sig eftir nokkurra daga fjarveru en hann virtist þó fyrst og fremst hafa mætt til að valda óskunda.

Flugi Icelandair frá New York seinkaði um 6 tíma

Forráðamenn Icelandair hafa ekki farið varhluta af óveðrinu á austurströnd Bandaríkjanna undanfarna daga. Farþegavél félagsins sem átti að lenda hér á landi klukkan sex í morgun seinkaði umtalsvert og lenti á Keflavíkurflugvelli sex tímum á eftir áætlun.

Snjóbylur í Bandaríkjunum

Mörg þúsund opinberir starfsmenn á austurströnd Bandaríkjanna hafa í dag reynt hvað þeir geta til að koma borgurum til vinnu eftir mesta bylur sem sögur fara af á svæðinu. Borgaryfirvöld í New Yorkhafa meira að segja gripið til þess ráðs að ráða starfsmenn tímabundið með tíu dali á tímann til að moka burt mesta snjónum.

Ekkert lát á voðaverkum í Írak

Bið fátækra Íraka eftir matarstyrk breyttist í martröð í morgun, þegar maður hlaðinn sprengiefni gekk að röðinni og sprengdi sig í loft upp. En í skugganum af hrinu ódæðisverka virðist ný ríkisstjórn loks í sjónmáli í Írak.

Telur Samfylkinguna og Sjálfstæðisflokkinn ekki eiga samleið

Dagur B. Eggertsson, borgarstjóraefni Samfylkingarinnar, telur að Samfylkingin og Sjálfstæðisflokkurinn eigi ekki samleið í borgarstjórn. Hins vegar geti gömlu R-listaflokkarnir unnið saman áfram þar sem enginn málefnaágreiningur sé á milli þeirra.

Þarf ekki í umhverfismat

Skipulagsstofnun hefur úrskurðað að ekki þurfi að fara fram umhverfismat vegna lagningar hitaveitu í Grundafirði. Í ákvörðun stofnunarinnar segir að sjónræn áhrif veitunnar og hávaði verði óveruleg auk þess sem lagningin hafi engin neikvæð áhrif á fornleifar.

Landsbankinn hættir á tveimur stöðum

Landsbankinn hættir í næsta mánuði rekstri útibúa sinna á Kópaskeri og Raufarhöfn. Bankinn hefur selt Sparisjóði Þórshafnar afgreiðslur sínar á þessum stöðum og tekur Sparisjóðurinn til starfa á Raufarhöfn í stað Landsbankans.

Frítt í sund í Sandgerði

Sandgerðingar geta frá og með miðvikudeginum næstkomandi synt og baðað sig að lyst, því bæjarstjórnin ákvað á síðasta fundi sínum að fella niður aðgangseyri í sundlaug bæjarins um óákveðinn tíma.

Búist við góðri síldarvertíð

Íslenskir síldveiðimenn eru bjartsýnir vegna mikillar síldargegndar við Noregsstrendur. Gríðarlegt magn síldar úr norsk-íslenska síldarstofninum mun hrygna við Noregsstrendur í vor og búast menn við að mikið af þeim fiski skili sér til Íslands í sumar.

Misvísandi spár um verðbólguþróun

Greiningardeildir bankanna eru klofnar í afstöðu sinni til þess hvort verðbólga hækki eða lækki á næstunni.

200 milljarða króna markið rofið

Útgáfa erlendra skuldabréfa í innlendri mynt er komin yfir 200 milljarða króna markið. Það var ný útgáfa Deutsche Bank á föstudag sem rauf 200 milljarða króna markið.

Slasaður sjómaður sóttur við slæm skilyrði

Björgunarbáturinn Ingibjörg frá Höfn í Hornafirði fór í morgun í brimi, þoku og mikilli ölduhæð til móts við fjölveiðiskipið Vilhelm Þorsteinsson EA til að sækja slasaðan skipverja þar um borð.

Samningafundur hjá LN og slökkviliðs- og sjúkraflutningamönnum

Samninganefndir launanefndar sveitarfélaganna og Landssambands slökkviliðs- og sjúkraflutningamanna funda í Karphúsinu nú klukkan eitt um kjaramál síðarnefnda hópsins, en eins og greint hefur verið frá höfnuðu slökkviliðs- sjúkraflutningamenn tilboði launanefndarinnar um 24 prósenta launahækkun fyrir helgi.

Ætlar að berjast fyrir bættri stöðu sjálfstæðra skóla

Talsmaður Samfylkingarinnar í menntamálum segist ætla að beita sér fyrir því að fleiri sjálfstætt starfandi skólum verði komið á fót í höfuðborginni. Þetta sjónarmið gengur þvert á málflutning R-listans undanfarin ár.

Telja hval hafa hrundið af stað leit

Nú er talið fullvíst að hvalur hafi hrundið af stað umfangsmikilli leit úr lofti, á sjó og með ströndum út af norðanverðu Seltjarnarnesi og á voginum út af Ánanaustum í gærkvöldi.

Saddam með ólæti í réttarsal

Saddam Hússein lét loks sjá sig við réttarhöld yfir honum í morgun. Hann virtist þó fyrst og fremst hafa mætt til að valda óskunda. Saddam kvartaði sáran yfir að vera neyddur til að mæta og hrópaði ,,niður með Bush og lengi lifi hin íslamska þjóð." Ekki er vitað til að honum hafi verið vísað úr réttarsalnum enn sem komið er.