Samkeppniseftirlit fær meira

Ríkisstjórnin stefnir að því að stórauka framlög til samkeppniseftirlits. Þetta segir viðskiptaráðherra í svari til Jóhönnu Sigurðardóttur alþingismanns sem spurðist á Alþingi fyrir um starfsaðstæður Samkeppnisstofnunar. Viðskiptaráðherra segir unnið að gerð lagafrumvarpa á grundvelli starfs nefndar um íslenskt viðskiptaumhverfi.

Ný tegund kjarnorkuflauga

Rússar eru að koma sér upp kjarnorkuflaugum, sem eru öðruvísi en þær flaugar sem nú þekkjast. Vladimir Pútín, forseti Rússlands segir nauðsynlegt að kjarnorkubúnaður landsins sé háþróaður á tímum hryðjuverka. Hann segist fullviss um að ekki muni á löngu líða uns flaugarnar verði tilbúnar til notkunar fyrir flugher landsins.

Sýknaður af bruðli

Jacques Chirac Frakklandsforseti, var í dag sýknaður af ákæru um að hafa bruðlað með almannafé þegar hann var borgarstjóri Parísar á árunum 1988 til 1995. Matarreikningar Chirac á tímabilinu voru að meðatali um 600 Evrur á dag, eða sem nemur rúmum 50 þúsund krónum. Alls borgaði Chirac kokki sínum rúmlega 130 milljónir króna á 7 ára tímabili.

Verið að skrifa undir

Samninganefnd kennara og launanefnd sveitarfélaga eru nú að skrifa undir kjarasamning  til handa grunnskólakennurum. Samningurinn mun að miklu leyti byggja á þeim samningi sem kennarar höfnuðu áður en til lagasetningar kom.

Snjómokstur - á annan milljarð

Þegar snjó festir fara allra handa tæki af stað til að ryðja vegi, götur, stíga og plön. Vegagerðin ver milljarði króna í snjómokstur á þessu ári og Reykjavíkurborg yfir 200 milljónum. Kostnaður annarra sveitarfélaga, fyrirtækja og húsfélaga bætist svo ofan á. </font /></b />

Kærir húsnæðislán bankanna

Jóhannes Valdemarsson rekstrarfræðingur hefur kært viðskiptabankana til Samkeppnisstofnunar vegna nýrra húsnæðislána sem þeir bjóða upp á. Hann telur ýmislegt í tilboðum bankanna brjóta í bága við samkeppnislög.

Skóli hitaður með sorpi

Varmi úr sorpbrennslustöð Skaftárhrepps er notaður til að hita upp sundlaugina og íþrótta- og skólahúsið á Kirkjubæjarklaustri. Hilmar Gunnarsson kyndari segir að allt brennanlegt sorp sem falli til í hreppnum sé nýtt til upphitunar.

Bláfjöll kjörin fyrir vindmyllur

Það mætti minnka uppistöðulón í vatnaflsvirkjunum framtíðarinnar með því að samreka þær með vindaflsvirkjunum. Þetta segir Hreinn Hjartarson, veðurfræðingur hjá Veðurstofu Íslands, en á fundi Orkustofnunar í gær um um nýja möguleika til orkuöflunar var kynnt rannsókn undir hans stjórn á hugsanlegri nýtingu vindorku á landinu.

Snjórinn kominn

Margar smáar hendur hafa í dag og gær dregið snjósleða fram úr geymslum, en krakkar fóru þegar síðdegis í gær að hópast í helstu brekkur höfuðborgarsvæðisins, þegar snjó kyngdi niður. Í dag hafa starfsmenn íþrótta- og tómstundaráðs Reykjavíkur troðið skíðabrekkur borgarinnar og nú síðdegis var Breiðholtslyftan opnuð.

Kennaradeilan leyst

Skrifað verður undir nýjan samning grunnskólakennara og samninganefndar Sambands íslenskra sveitarfélaga á næstu mínútum. Samningurinn mun fela í sér nokkra bót frá miðlunartillögu ríkissáttasemjara sem 93% kennara felldu í atkvæðagreiðslu

Mannfallið heldur áfram

Mikið mannfall virðist daglegt brauð í Írak. Skærur halda áfram í Fallujah og í nágrannaborgum rekur hvert hryðjuverkið annað. Árásir halda áfram á hluta borgarinnar Fallujah í Írak, þó að talsmenn Bandaríkjahers segi aðgerðum þar lokið.

Dæmdur fyrir íkveikju

Héraðsdómur Reykjavíkur dæmdi í dag karlmann á fertugsaldri í fimm mánaða fangelsi fyrir að kveikja í fjölbýlishúsi. Dómurinn er skilorðsbundinn. Maðurinn bjó í húsinu, sem er við Hjaltabakka í Reykjavík og taldist sannað að hann hefði hellt eldfimu lími á nokkrar geymsluhurðir í kjallara eins stigagangsins og borið eld að.

Sendinefnd til Parísar

Úr hverju dó Jassir Arafat? Það vilja palestínsk yfirvöld fá að vita og hyggjast senda nefnd til Parísar til að krefjast svara. Frá því að Arafat var lagður helsjúkur inn á sjúkrahús í París með ótilgreindan sjúkdóm hafa verið á kreiki sögusagnir þess efnis að ekki væri allt með felldu.

Rússar með nýjar kjarnorkuflaugar

Þeir sem töldu endalok Kalda stríðsins þýða endalok vopnakapphlaupsins virðast hafa haft rangt fyrir sér. Vladímír Pútín, forseti Rússlands, boðar nýja gerð kjarnorkusprengja, sem eiga að geta komist fram hjá stjörnustríðsskildi Bandaríkjanna.

Þurfa að greiða 73 milljónir

Kvikmyndafyrirtækið Sögn hefur verið dæmt til að greiða Síldarvinnslunni í Neskaupstað rúmlega 73 milljónir króna í bætur vegna bruna á frystihúsi félagsins við upptökur á kvikmyndinni Hafið.

Icelandair færir sig á Heathrow

Afgreiðsla Icelandair á Heathrow færist til flugstöðvarbyggingar 2 í dag. Innritun farþega og afgreiðsla flugs Icelandair til og frá Heathrow flugvellinum í London færist frá flugstöðvarbyggingu 1 til flugstöðvarbyggingar 2 frá og með deginum í dag.

Búið að skrifa undir

Nú rétt áðan var skrifað undir kjarasamning grunnskólakennara. Samningurinn byggði að stóru leyti á þeim samningi sem kennarar höfnuðu áður en sett voru lög á kennaraverkfallið. Forsvarsmenn kennarasambandsins ætla að hvetja félagsmenn sína til þess að samþykkja samninginn, sem sé hvað sem öðru líður betri kostur en lagasetningin sem sett hafi verið.

Alnæmisveira í köttum

Alnæmisveira hefur fundist í íslenskum köttum. Framvegis þurfa eigendur katta sem flytja hingað til lands að framvísa vottorði um að kettirnir séu ekki með veiruna.

Staðfesta ekki reikninga ESB

Tíunda árið í röð hafa endurskoðendur Evrópusambandsins neitað að votta reikninga þess. Ástæðan er líkt og undanfarin ár sú að ekki er nógu vel staðið að framkvæmd fjárlaga, útborgunum og bókhaldi. Gagnrýnin beinist hvort tveggja að Evrópusambandinu og aðildarríkjum þess.

Írakar drógu sér 1.400 milljarða

Stjórn Saddams Hussein dró sér um 1.400 milljarða króna úr áætlun Sameinuðu þjóðanna sem átti að gera Írökum kleift að selja olíu til að kaupa matvæli og lyf meðan landið sætti viðskiptabanni af hálfu Sameinuðu þjóðanna. Þetta kemur fram í gögnum sem tekin voru saman fyrir bandaríska þingnefnd sem rannsakar spillingu í kringum olíusöluna.

Þingkona á flótta vegna morðhótana

Belgískur þingmaður sem hefur gagnrýnt íhaldssama múslima harkalega fór í felur vegna morðhótana.

Konur 13 prósent stjórnarmanna

Langt er enn í land með að minnst 40 prósent stjórnarmanna í skráðum norskum fyrirtækjum séu kvenkyns eins og stefnt er að fyrir mitt næsta ár. Þetta kemur fram í skýrslu norsku jafnréttisstofnunarinnar. Hún sýnir að einungis þrettán prósent stjórnarmanna eru kvenkyns.

8.000 fórnarlömb jarðsprengja

Rúmlega átta þúsund manns hið minnsta létust eða slösuðust af völdum jarðsprengja á síðasta ári. Þetta er sá fjöldi atvika sem tilkynnt var um en raunverulegur fjöldi slasaðra og særða getur verið tvöfalt til þrefalt hærri þar sem ekki er tilkynnt um nærri öll atvik, að sögn samtaka sem börðust gegn banni við notkun jarðsprengja.

Framkvæmdir halda áfram

Framkvæmdir við nýtt hótel í Eimskipafélagshúsinu halda áfram þótt Úrskurðarnefnd skipulags- og byggingamála hafi fellt byggingaleyfið úr gildi á föstudag.

Hóta að sniðganga kosningarnar

Stjórnmálamenn og aðrir áhrifamenn úr röðum súnnímúslima hótuðu því í gær að sniðganga kosningarnar sem fara eiga fram í janúar og skoruðu á aðra að gera það sama til að mótmæla árásum Bandaríkjahers.

Réðist á mann sinn með öxi

82 ára gömul japönsk kona réðist með öxi á áttræðan eiginmann sinn vegna þess að hana grunaði að hann héldi framhjá sér. Konan réðist á eiginmann sinn þar sem hann lá sofandi í rúmi sínu og hjó hann nokkrum sinnum í höfuðið með öxinni.

Vilja ekki íslamskan helgidag

Hugmynd eins þingmanna Græningja um að lögfesta íslamskan helgidag sem þjóðarfrídag hefur mætt harðri gagnrýni í Þýskalandi. Jürgen Trittin, umhverfisráðherra flokksins, sem lýsti sig opinn fyrir umræðu um hugmyndinni, fékk að kenna á því og söluhæsta dagblað Þýskalands, Bild, sagði hann hafa tapað glórunni.

Um sextíu löggum rænt í Írak

Um sextíu íröskum lögregluþjónum var rænt þegar þeir sneru aftur til Íraks eftir að hafa fengið þjálfun í Jórdaníu.

Forstjórajeppa stolið

Mercedez - Bens - jeppa Stefáns Friðfinnssonar, forstjóra Íslenskra aðalverktaka, var stolið á dögunum. Um er að ræða Bens-jeppa af gerðinni ML 270 CDI með öllum græjum. "Toppbíll" eins og þeir segja í umboðinu.

Samningar í höfn

Kennaradeilan er leyst og var skrifað undir samning fyrir stundu. Samningurinn gildir til maíloka 2008. Laun kennara hækka um 5,5 prósent strax og þeir fá 130 þúsund króna eingreiðslu. Eiríkur Jónsson, formaður Kennarasambands Íslands, vill ekki ræða heildarlaunahækkun kennara, en segir að ekki hafi verið lengra komist

Arnþrúður sátt

"Mér hefur aldrei liðið betur," segir Arnþrúður Karlsdóttir í samtali við DV, en hún hefur þurft að sjá á eftir öllum félögum sínum á Útvarpi Sögu og veifað til þeirra hótunum um lögregluaðgerðir í kveðjuskyni.

Skrifað undir orkusamning

Norðurál, Orkuveita Reykjavíkur og Hitaveita Suðurnesja skrifuðu undir orkusamning í dag vegna stækkunar álversins á Grundartanga, sem þá verður stærsta álver dagsins. Ef Orkuveitu Reykjavíkur tekst að útvega meiri orku stendur til að stækka álverið enn meira. Verði af þeirri stækkun fjölgar starfsmönnum álversins um hátt í þrjú hundruð.

Framlög verða aukin

Framlög til samkeppniseftirlits verða stóraukin í framtíðinni, þegar gerðar hafa verið skipulagsbreytingar á því. Breytingarnar verða kynntar á næstu dögum. Um áttatíu mál bíða úrlausnar hjá Samkeppnisstofnun. Jóhanna Sigurðardóttir alþingismaður vill að rannsakað verði hvort bankar eða tryggingafélög hafi ólöglegt samráð.

Kærir auglýsingar

Jóhannes Valdimarsson rekstrarfræðingur hefur kært auglýsingar vegna húsnæðislána bankanna til Samkeppnisstofnunar þar sem hann segir skilyrði þeirra brjóta gegn ákvæðum samkeppnislaga. Hann segir bankana blekkja fólk vísvitandi með villandi upplýsingum án þess að Neytendasamtökin eða aðrir láti sig málið varða.

Breiddi yfir haus eftir íkveikju

Maður á fertugsaldri var í Héraðsdómi Reykjavíkur dæmdur í fimm mánaða skilorðsbundið fangelsi fyrir að hafa kveikt í fjölbýlishúsi í Breiðholti í Reykjavík í mars árið 2003. Maðurinn kveikti í geymslum í kjallara fjölbýlishúss sem hann bjó sjálfur í.

Þrjú hjól undir bílnum

"Annað framdekkið undir bílnum losnaði af og skorðaðist undir brettinu í miðri Ártúnsbrekkunni," segir Eðvarð Ingi Friðriksson sem fékk lánaðan bíl hjá vini sínum og varð fyrir þeirri óskemmtilegu reynslu að aðeins urðu þrjú hjól eftir undir bílnum. Gleymst hafði að herða rærnar á einu hjólinu.

Sjálfsvíg fátíð í fangelsum

Valtýr Sigurðsson, forstjóri Fangelsismálastofnunar, segir ekki hafa legið fyrir beiðni um innlögn á geðdeild hjá stofnuninni vegna þrítugrar konu sem svipti sig lífi í fangelsinu á mánudagsmorgun. Hann segir sjálfsvíg í íslenskum fangelsum mjög fátíð. Ekki hafði verið framið sjálfvíg í íslensku fangelsi í sex ár þegar konan svipti sig lífi.

Þétt dagskrá sáttasemjara

Ásmundur Stefánsson ríkissáttasemjari segir samningaviðræður kennara og sveitarfélaganna langt frá því að vera þær erfiðustu sem hann hafi fengist við.

Skólastjórar sáttir

Samningur skólastjóra byggir á sama grunni og sá samningur sem samninganefnd þeirra hafði áður samþykkt, en með lagfæringum, segir Sigfús Grétarsson, formaður samninganefndar Skólastjórafélags Íslands.

Kennarar fá 25 prósenta hækkun

Kennarar fá tæplega 25 prósenta launahækkun í þrepum til ársins 2008 samþykki þeir kjarasamning sem samninganefndir þeirra og sveitarfélaganna rituðu undir á sjötta tímanum í gær.

Vetrarfrí á Ólafsfirði

Grunnskólakennarar á Ólafsfirði ætla að taka vetrarfrí. Þeim var boðin yfirvinnugreiðsla í fríinu en vilja halda fyrri áætlunum. Þeir eru ósáttir við lagasetningu á verkfall þeirra. Fríið hefst í dag og skólinn aftur á þriðjudag.

Vinnumiðlun fyrir kennara

Vinnumiðlun fyrir kennara, Nýtt starf ehf., er tekin til starfa og geta þeir kennarar sem vilja hætta kennslu haft samband við aðstandendur í gegnum vefsíðuna www.nyttstarf.net en verið er að móta síðuna þessa dagana.

Útboð vegna bryggjuhverfis

Þessa dagana fer fram útboð vegna niðurrifs húsa á Norðurbakka í Hafnarfirði og forval vegna sölu byggingarréttar. Á svæðinu mun rísa bryggjuhverfi með um 440 íbúðum á sex fjölbýlishúsalóðum og hefst uppbygging strax næsta vor.

Ekki tekið á meintum lögbrotum

Hugsanlegt er að meint lögbrot kennara verði látin kyrrt liggja ef kennarar samþykkja kjarasamning þann sem undirritaður var milli Kennarasambands Íslands og launanefndar sveitarfélaga síðdegis í gær.

Bílaraðir í ófærðinni

Þungfært var á höfuðborgarsvæðinu í snjókomunni í gærmorgun og síðdegis á þriðjudag og mynduðust stíflur vegna illa útbúinna bíla og langar bílaraðir á öllum helstu umferðaræðum á höfuðborgarsvæðinu.