Réðist á mann sinn með öxi

82 ára gömul japönsk kona réðist með öxi á áttræðan eiginmann sinn vegna þess að hana grunaði að hann héldi framhjá sér. Konan réðist á eiginmann sinn þar sem hann lá sofandi í rúmi sínu og hjó hann nokkrum sinnum í höfuðið með öxinni. Dóttir hjónanna vaknaði við öskur móður sinnar. Þegar hún sá föður sinn liggja blóðugan í rúminu hringdi hún og bað um sjúkrabíl. Faðir hennar var fluttur á sjúkrahús og liggur þar meðvitundarlaus. Eiginkonan viðurkenndi verknaðinn fyrir lögreglu, sagðist hafa fyllst hatri og viljað drepa eiginmann sinn.