Leik lokið: Grindavík/Njarðvík - Fram 4-0 | Unnu Fram í þriðja sinn í sumar

Grindavík/Njarðvík jók möguleika sína á að vera í efri helmingi Bestu deildar kvenna eftir skiptingu með 4-0 sigri á Fram í fyrsta leik 16. umferðar í Njarðvík í kvöld. Ása Björg Einarsdóttir skoraði fyrstu tvö leiksins og lagði það þriðja upp fyrir Söntu Vuskane. Sú síðarnefnda lagði svo fjórða og síðasta mark leiksins upp fyrir Emersen Jennings.

Þetta var þriðji heimasigur Grindavíkur/Njarðvíkur í röð og þriðji sigur liðsins á Fram í sumar.

Grindavík/Njarðvík er áfram í 5. sæti deildarinnar, nú með 22 stig, fjórum stigum frá neðri hlutanum. Fram er með sextán stig í 8. sætinu, þremur stigum frá fallsæti en bara tveimur frá efri hlutanum.

Nánar verður fjallað um leikinn síðar í kvöld.