Hæð langt suður í hafi dælir hlýju lofti til landsins

Fram kemur í hugleiðingum veðurfræðings á Veðurstofu Íslands að hæð þessi sjái um að dæla til okkar röku og hlýju lofti sem á rætur sínar langt suður í hafi. Þó er tekið fram að heldur bæti í vind á morgun og hinn.

Veðurhorfur næstu daga:

Á sunnudag:

Vestlæg átt, 5-13 m/s. Dálítil rigning eða þokusúld með köflum, en bjart að mestu austantil. Hiti 11 til 24 stig, hlýjast austanlands.

Á mánudag:

Vestan og suðvestan 5-13 m/s. Súld eða rigning með köflum, en þurrt að kalla suðaustantil. Hiti breytist lítið.

Á þriðjudag:

Vestan og suðvestan 5-13 m/s, dálítil rigning eða súld vestanlands, en bjart með köflum fyrir austan. Hiti víða 11 til 20 stig, hlýjast austanlands.

Á miðvikudag:

Ákveðin suðvestanátt með rigningu eða súld, dálítil rigning af og til norðaustantil, en þurrt að kalla suðaustanlands. Hiti 11 til 22 stig, hlýjast austanlands.

Á fimmtudag:

Vestlæga átt og súld af og til, en bjart fyrir austan. Áfram milt.

Á föstudag:

Útlit fyrir norðanátt með dálítilli vætu á Norður- og Austurlandi, en björtu sunnan- og vestanlands. Kólnandi fyrir norðan, en fremur hlýtt syðra.