Þórsarar sækja norskan fram­herja

Haugland kemur til Þórs frá norska B-deildarliðinu Hodd. Þar var Haugland markahæsti leikmaður liðsins á síðustu leiktíð þegar hann skoraði átta mörk í sautján leikjum. Árið áður skoraði Haugland átta mörk í fjórtán leikjum í sömu deild en þá fyrir Asane.

„Við bjóðum Sebastian Haugland velkominn í Þorpið og hlökkum til að fylgjast með honum í baráttunni í sumar,“ segir í tilkynningu Þórs.

Þórsarar eru nýliðar í Bestu deildinni í sumar og hafa styrkt hópinn ágætlega milli tímabila. Meðal þeirra sem hafa komið til Þórs eru Atli Sigurjónsson, Ágúst Eðvald Hlynsson, Bjarni Guðjón Brynjólfsson og Isaac Atanga.

Þór mætir Val á útivelli í fyrstu umferð Bestu deildarinnar, þann 12. apríl.