Albert og fé­lagar úr leik eftir stór­leik Antony

Real Betis er komið áfram í úrslitaleik Sambandsdeildarinnar þar sem þeir munu mæta Chelsea.

Real Betis gerði í kvöld 2-2 jafntefli við Fiorentina eftir framlengdan leik, en fyrri leikur liðanna fór 2-1 fyrir Real Betis. Samanlagt fór því einvígið 4-3.

Það var spænska liðið sem byrjaði leikinn betur en Antony kom þeim yfir á 30. mínútu með frábært mark beint úr aukaspyrnu.

Þetta var leikur föstu leikatriðanna þar sem Fiorentina skoraði tvö mörk úr föstum leikatriðum. Bæði voru þau skoruð af Robin Gosens með skalla. Það fyrra á 32. mínútu og það seinna á 42. mínútu.

Fyrri hálfleikurinn endaði því í stöðunni 2-1 fyrir Fiorentina og einvígið jafnt 3-3.

Seinni hálfleikurinn reyndist ekki jafn viðburðaríkur þar sem hvorugt lið náði að skora og leikurinn var framlengdur.

Antony var aftur á ferðinni á sjöundu mínútu uppbótatíma þegar hann fann Abdessamad Ezzalzouli inn í teig. Eftirleikurinn var einfaldur fyrir framherjann sem kláraði af stuttu færi.

Albert Guðmundsson spilaði allar fyrstu 90 mínútur leiksins en fór af velli á fimmtu mínútu framlengingar.