Innlent

Fylgjast grannt með hraunflæðinu

Gunnar Reynir Valþórsson skrifar
Nú virðist aðeins gjósa á þremur gígum á gígaröðinni. 
Nú virðist aðeins gjósa á þremur gígum á gígaröðinni.  vísir/vilhelm

Eldgosið á Sundhnúksgígaröðinni heldur áfram og nú gýs á þremur gígum. 

Einar Hjörleifsson náttúruvársérfræðingur segir að Veðurstofan fylgist nú grannt með því hvert hraunið sé að renna. Hann segir að í gærkvöldi hafi það virst sem svo að hraunið hefði bunkast upp austan við gosið en einnig aðeins farið að flæða í átt til suðurs þaðan aftur. Sú framrás virðist þó hafa stöðvast aftur nú í morgunsárið.

„En það er erfitt að meta hvert hraunið er að flæða núna eftir að skyggnið hefur versnað,“ segir Einar og bætir við að fyrirhugaður sé fundur með svæðis- og vettvangsstjórn í Grindavík sem ætti að gefa betri mynd af ástandinu.  „Þá sjáum við betur hvert hraunið er að flæða,  hvar það er að byggjast upp og hvort að það nær að mynda hrauntjarnir sem getur síðan runnið úr í vestur og þannig ógnað innviðum.“

 Einar tekur þó fram að þessi þróun muni taka nokkra daga og því ætti fyrirvarinn að verða góður, fari hraunið að ógna innviðum.

Eldgos og jarðhræringar Eldgos á Reykjanesskaga

Tengdar fréttir

Fólk streymir í Bláa lónið á ný og sér eldgosið vel

Gestum verður hleypt ofan í Bláa lónið klukkan 11:30, í fyrsta skipti síðan eldgos hófst á miðvikudag. Ágætisútsýni er yfir gosstöðvarnar frá lóninu, en aðeins þeim sem eiga miða í lónið er hleypt inn á svæðið.

Stöðugt hraunflæði til tveggja átta

Enn mallar í eldgosinu við Sundhnúksgíga. Hraun flæðir úr þremur gosopum en tveimur gígum að sögn Bryndísar Ýrar Gísladóttur náttúruvársérfræðings á Veðurstofu Íslands. Hún segir stöðuna óbreytta. Hraun renni til tveggja átta. Frá syðri gíg rennur það til suðurs og suðvesturs eins og í síðasta gosi og frá nyrðri gíg rennur það til austurs.

Mest lesið


Fleiri fréttir

Sjá meira


×

Mest lesið