Ís­land í riðli með Wa­les, Svart­fjalla­landi og Tyrk­landi

Ísland var í 2. styrkleikaflokki og kom síðast upp úr skálinni sem þýddi að strákarnir okkar fóru í riðil 4. Það var enginn annar en Aleksandar Kolarov, fyrrverandi landsliðsmaður Serbíu og leikmaður Manchester City, Roma og Inter Milan sem sá um að draga í B-deildina.

Wales kom úr 1. styrkleikaflokki áður en Ísland kom úr 2. styrkleikaflokki. Þar á eftir kom Svartfjallaland úr styrkleikaflokki 3. og svo Tyrkland úr 4. styrkleikaflokki.

Riðill Íslands lítur því svona út:

• Wales
• Ísland
• Svartfjallaland
• Tyrkland

Aðrir riðlar í B-deild eru eftirfarandi:

1. Tékkland, Úkraína, Albanía og Georgía.
2. England, Finnland, Írland og Grikkland
3. Austurríki, Noregur, Slóvenía og Kasakstan.

Hinn spænski Juan Mata sá um að draga í A-deildina en hann er án félags eftir stutt ævintýri í Japan. Þar áður lék hann með Chelsea, Manchester United og Galatasaray.

A-deildin lítur svo út:

1. Króatía, Portúgal, Pólland og Skotland
2. Ítalía, Belgía, Frakkland og Ísrael.
3. Holland, Ungverjaland, Þýskaland og Bosnía.
4. Spánn, Danmörk, Sviss og Serbía.

Hér að neðan má sjá hvernig C- og D-deildin líta út.

Fréttin hefur verið uppfærð.