Innlent

Mynd­band: Þyrla Land­helgis­gæslunnar slekkur gróður­elda við Litla-Hrút

Sólrún Dögg Jósefsdóttir skrifar
slokkvva
Landhelgisgæslan

Þyrla Landhelgisgæslunnar var við slökkvistörf í gærkvöldi við eldstöðvarnar við Litla-Hrút en gróðureldar hafa myndast á svæðinu frá upphafi gossins. 

Samkvæmt upplýsingum frá Landhelgisgæslunni er notast við skjólur sem þyrlan ber og hellir úr þeim vatni yfir gosið. Hver skjóla ber um tvö tonn af vatni. Í gærkvöldi voru að auki svokallaðir „bambar“ fullir af vatni fluttir norðan við gosið þar sem slökkviliðsmenn voru við störf.

Myndband af þyrlunni að hella vatni yfir gróðureldana má sjá hér að neðan. 

Slökkviliðsmenn börðust við gróðurelda á gossvæðinu á Reykjanesi í allan gærdag. Rok hefur verið á svæðinu sem gerir slökkvistörf erfiðari. „Þetta er alls ekki þægilegt, þetta er mjög erfitt en okkur gengur vel. Við höfum fundið ákveðna taktík við þetta,“ sagði EInar Sveinn Jónsson slökkviliðsstjóri í Grindavík í  kvöldfréttum Stöðvar 2 í gær.

Eldgos og jarðhræringar Eldgos á Reykjanesskaga Gróðureldar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið