Köttur sem týndist í snjóflóðinu í Neskaupstað í liðinni viku hefur fundist heill á húfi.
Eftir að snjóflóð féll á hús í Neskaupstað á mánudag hvarf heimilisköttur sem er í eigu ungrar stúlku í bænum.
„Lýst var eftir honum og er skemmst frá að segja að hann er kominn heim heilu á höldnu. Ánægjuleg tíðindi og ósk okkar og von að sé til marks um að ástand mála sé smátt og smátt að lagast á Austurlandi,“ segir í tilkynningu lögreglunnar á Austurlandi.
Veðurstofa Íslands hefur kannað ástand hlíða á Austurlandi með tilliti til rýminga í dag. Ekki þykir óhætt að aflétta rýmingum frekar að svo stöddu.
Viðbúið er að rýmingum verði aflétt í miklum mæli á Austfjörðum í dag en ekki er útlit fyrir að hægt verði að aflétta alls staðar strax. Mikil úrkoma er á svæðinu samhliða hlýindum og hafa flóð fallið nokkuð víða. Lögreglustjóri á Austurlandi segir markmiðið nú vera að hlúa að íbúum en ljóst sé að langtímaáhrif séu áföllum sem þessum.
