Erlent

Frétta­menn hand­teknir vegna mynd­bands sem sýnir for­setann bleyta buxurnar

Árni Sæberg skrifar
Salva Kiir hefur verið forseti Suður-Súdans síðan landið fékk sjálfstæði árið 2011.
Salva Kiir hefur verið forseti Suður-Súdans síðan landið fékk sjálfstæði árið 2011. Kena Betancur/Getty

Sex fréttamenn hafa verið handteknir í Suður-Súdan vegna meintra tengsla þeirra við myndskeið sem virðist sýna forseta landsins bleyta buxur sínar á opinberum viðburði.

Fréttamennirnir vinna allir hjá ríkissjónvarpi Suður-Súdans og voru handteknir á þriðjudag og miðvikudag, að sögn Patrick Oyet, formanni stéttarfélags fréttamanna í landinu.

„Þeir eru grunaðir um að vita hvernig myndskeiðið af forsetanum að pissa á sig komst í dreifingu,“ hefur Reuters eftir honum.

Myndbandið, sem sýnir hinn 71 árs gamla Salva Kiir bleyta buxur sínar á vígsluathöfn vegar, var aldrei sýnt í sjónvarpi í landinu en það komst í mikla dreifingu á samfélagsmiðlum. Myndbandið má sjá í spilaranum hér að neðan:

Yfirvöld í Suður-Súdan hafa ekki orðið við beiðni Reuters um viðbrögð vegna málsins. Þá hafa yfirvöld landsins neitað því ítrekað að forsetinn eigi við heilsufarsvanda að stríða.

Suður-Súdan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið