Brassar séu búnir að ræða við Mourinho um að taka við landsliðinu

Frá þessu er greint á vef Daily Mail, en þar kemur einnig fram að Brassar hafi nú þegar hafið viðræður við þjálfarann eftir að Carlo Ancelotti, þjálfari Real Madrid, hafnaði starfinu.

Brasilía þótti sigurstranglegasta þjóðin á HM í Katar en féll úr leik eftir vítaspyrnukeppni gegn Króatíu í átta liða úrslitum. Þjálfari liðsins, Tite, sagði starfi sínu svo lausu nokkrum klukkustundum eftir leikinn, en hann hafi gefið það út fyrr á árinu að hann ætlaði sér að hætta sama hver árangurinn yrði. Tite hafði þá stýrt liðinu í sex ár.

Eftir brotthvarf Tite er þjálfarastaðan hjá sigursælustu knattspyrnuþjóð heims því laus og af þeim þjálfurum sem eru starfandi í dag eru fáir jafn sigursælir og José Mourinho. Á brasilíska vefnum La Repubblica er greint frá því að brasilíska knattspyrnusambandið hafi nú þegar hafið viðræður við Jorge Mendez, umboðsmann Mourinho.