Innlent

Loka Grandaborg og skipta börnunum í þrennt

Samúel Karl Ólason skrifar
B0rnum á Grandaborg verður skipt upp í þrjá hópa meðan verið er að leita að nýju húsnæði þar sem þau geta verið öll.
B0rnum á Grandaborg verður skipt upp í þrjá hópa meðan verið er að leita að nýju húsnæði þar sem þau geta verið öll. Reykjavíkurborg

Loka þarf leikskólanum Grandaborg í Vesturbænum. Þar hafa framkvæmdir staðið yfir vegna rakaskemmda og þar að auki kom nýverið í ljós rof á skolplögn undir leikskólanum. Því þarf að skipta börnunum á leikskólanum upp og hýsa þau annars staðar í þremur hópum, á meðan unnið er að því að finna húsnæði þar sem öll börnin geta verið saman.

Helgi Grímsson, sviðsstjóri skóla- og frístundasviðs, hjá Reykjavíkurborg, segir þetta hafa borið hratt að. Það muni taka tíma að finna heppilegt húsnæði fyrir allan hópinn.

Hluti barnanna verður færður á Eggertsgötu, annar á Nauthólsveg og svo verður hluti barnanna í Kringlunni 1.

„Það er miður að við þurfum að gera þetta með þessum hætti,“ segir Helgi. Hann segir þó nauðsynlegt að vera með hlutina í lagi og ekki vera með börn á stað þar sem aðstæður eru svo varasamar.

„Við áttum okkur á því að þetta er heilmikið rask fyrir foreldra. Við erum í þröngri stöðu en erum að reyna að bregðast hratt við og vonumst til að hægt verði að koma börnunum sem fyrst á einn stað.“

Helgi segir að leitin að nýju húsnæði sé byrjuð, það muni þó líklega taka einhvern tíma. Ekki sé mikið af húsnæði í boði og það þurfi að standast margvíslegar kröfur sem gerðar eru til skólahúsnæðis.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.