Erlent

Talinn hafa ætlað að stela ljónsungum en var drepinn

Samúel Karl Ólason skrifar
Eitt karlkyns ljón og ein ljónynja voru í búrinu þegar maðurinn fór þar inn.
Eitt karlkyns ljón og ein ljónynja voru í búrinu þegar maðurinn fór þar inn. Getty

Maður var drepinn af ljónum í dýragarði í Gana, eftir að hann fór yfir girðingu í dýragarði í Accra, höfuðborg landsins, í gær. Talið er að maðurinn hafi mögulega ætlað að stela tveimur sjaldgæfum hvítum hvolpum sem hafa vakið mikla athygli í dýragarðinum.

Eitt karlkyns ljón, ljónynja og hvolparnir tveir voru í búrinu þegar maðurinn, sem sagður er hafa verið að miðjum aldrei, fór þar inn.

Samkvæmt frétt BBC þurfti maðurinn að klifra yfir eina þriggja metra háa girðingu og svo aðra sex metra háa til að komast inn í búr ljónanna. Hann var svo fljótt drepinn af ljónunum í búrinu.

Yfirvöld í Gana sögðu í yfirlýsingu í gær að starfsmenn dýragarðsins hefðu rekið ljónin inn í lokað svæði og tekist að fjarlægja lík mannsins úr búrinu. Enn liggur ekki fyrir hvað manninum gekk til en eins og áður segir er talið að hann hafi ætlað að taka hvolpana.

Málið er til rannsóknar hjá lögreglunni í Gana.

Gana Dýr
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið