Innlent

Segir manneklu í leikskólunum stærsta vandamálið

Hólmfríður Gísladóttir skrifar
Árelía Eydís Guðmundsdóttir er formaður skóla- og frístundasviðs borgarinnar.
Árelía Eydís Guðmundsdóttir er formaður skóla- og frístundasviðs borgarinnar. Vísir/Vilhelm

Það er fyrst og fremst mannekla sem veldur því að ekki er hægt að bjóða fleiri börnum leikskólapláss en raun ber vitni. 

Þetta segir Árelía Eydís Guðmundsdóttir, formaður skóla- og frístundaráðs Reykjavíkurborgar, í samtali við Morgunblaðið.

Að sögn Árelíu bendir allt til þess að hægt verði að opna Ævintýraborg við Nauthólsveg á næstu vikum.

Árelía segist ekki telja að lausnin sé að stytta nám leikskólakennara; bera verði virðingu fyrir þeim sem fagstétt. 

Þá bendir hún á að umsækjendum í námið hafi fjölgað. Mikilvægt sé að horfa á heildarmyndina og leita annarra lausna, til að mynda að breyta fæðingarorlofskerfinu og auka stuðning við dagmæðrakerfið. Þá þurfi atvinnulífið að koma til móts við foreldra.

Reykjavík Leikskólar Skóla - og menntamál Borgarstjórn Vinnumarkaður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið