Erlent

Segir af sér eftir að hafa „gert sig að fífli“ á fylleríi

Bjarki Sigurðsson skrifar
Chris Pincher er hér hægra megin á myndinni.
Chris Pincher er hér hægra megin á myndinni. AP/Aaron Chown

Chris Pincher hefur sagt af sér sem varaþingflokksformaður Íhaldsflokksins á breska þinginu eftir að tveir samflokksmenn kvörtuðu yfir hegðun hans á skemmtistað.

Pincher hefur sent Boris Johnson, forsætisráðherra Bretlands og formanni Íhaldsflokksins, bréf þar sem hann greinir frá afsögn sinni. Í bréfinu segist hann hafa „gert sig að fífli“ kvöldið áður þegar hann var við drykkju.

Bréfið sem Pincher sendi Johnson

Samkvæmt The Guardian mun Pincher hafa verið á Carlton Club í Piccadilly í gærkvöldi og drukkið of mikið. Samkvæmt viðmælanda þeirra sem var á Carlton Club þetta kvöld hafi Pincher varla getað staðið í lappirnar sökum ölvunar og því beðinn um að yfirgefa staðinn. Þá hafi hann byrjað að káfa á tveimur karlkyns starfsmönnum staðarins.

Að minnsta kosti tveir þingmenn flokksins voru viðstaddir þegar atvikið átti sér stað og kvörtuðu þeir til stjórnar flokksins. 

Pincher ætlar að halda störfum sínum sem þingmaður áfram samkvæmt bréfinu sem hann sendi á forsætisráðherrann.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×