Segir að Haaland taki ákvörðun um framtíð sína á næstu dögum

Samkvæmt heimildum Balague hafa þrjú stórlið sett sig í samband við framherjann. Það eru Manchester City, Real Madrid og Barcelona. Þýska stórliðið Bayern München hafði einnig verið orðað við Haaland, en nú virðist sem svo að það sé úr sögunni.

Haaland er samningsbundinn Dortmund til ársins 2024, en klásúla í samningi hans gerir honum kleift að yfirgefa liðið fyrir rétt rúmlega 63 milljónir punda í sumar.

„Ekkert af liðunum þremur veit hvað mun gerast,“ segir Balague. Félögin hafa kynnt það verkefni sem þau eru með í gangi, hvernig þau ætla sér að spila, hvernig þau ætla sér að nota hann og allir sem eru einhverjir innan félaganna hafa komið að viðræðunum, þar á meðal þjálfarar og íþróttastjórar.“

Balague segir þó enn möguleika á því að Haaland verði áfram í herbúðum Dortmund, en telur Real Madrid eða Barcelona vera líklegustu áfangastaðina ákveði Noðrmaðurinn að færa sig um set.

„Það er enn möguleiki á því að hann verði áfram hjá Dortmund. Ef hann gerir það þá þýðir það að hann veðrur í eitt ár í viðbót og fer svo til Real Madrid eða Barcelona af því að hann langar að spila í La Liga.“

„Real Madrid eru efstir á blaði en Manchester City vona að sú staðreynd að Kylian Mbappe er að öllum líkindum á leiðinni til Madrídinga í sumar og að Karim Benzema er í frábæru formi vinni þeim í hag. Svo hafa þeir [Manchester City] líka bent á að Barcelona er ekki í stöðu til að berjast um alla titlana á þessari stundu.“

„Þannig að tímasetningin og krimgumstæðurnar gætu mögulega verið Manchester City í hag,“ sagði Balague að lokum.