Karl Bretaprins og Rihanna voru meðal viðstaddra.Getty/Toby Melville
Eyríkið Barbados er orðið lýðveldi. Á miðnætti á staðartíma, eða klukkan fjögur í nótt að íslenskum tíma sleit Barbados öll tengsl við Elísabetu Englandsdrottningu og er hún því ekki lengur þjóðhöfðingi landsins.
Landstjóri Barbados, Sandra Mason, verður því hér eftir forseti Barbados og þjóðhöfðingi þessa nýja lýðveldis.
Mikil fagnaðarlæti brutust út í höfuðborginni Bridgetown, þar sem áfanganum var fagnað við hátíðlega athöfn. Á meðal gesta voru Karl Bretaprins og söngkonan Rihanna, sem á ættir sínar að rekja til eyjunnar.
Bretaprins óskaði landinu velfarnaðar á vegferð sinni en ítrekaði að áfram verði náin tengsl á milli bresku krúnunnar og Barbados, enda hyggjast eyjarskeggjar vera áfram innan breska samveldisins, þótt tengsl við krúnuna hafi verið rofin.
Sandra Mason, forseti Barbados, afhenti Karli Bretaprins Frelsisorðu landsins.Getty/Toby Melville
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
