133 greindust af kórónuveirunni innanlands í gær.Foto: Vilhelm Gunnarsson/Vilhelm Gunnarsson
Tuttugu og tveir einstaklingar liggja nú á Landspítala vegna Covid. Af þessum fjölda eru tuttugu með virk smit en fjórir eru á gjörgæslu, þar af þrír í öndunarvél.
Í eftirliti Covid göngudeildar eru nú 1.793 manns og þar af eru 516 börn. Þá eru 103 eru merktir gulir, eða með mismikil einkenni og einhverjar líkur á frekari veikindum. Einn er merktur rauður en þeir sem merktir eru rauðir eru með mikil einkenni og í mestri áhættu að verða alvarlega veikir.
24 starfsmenn Landspítala eru í einangrun, 26 í sóttkví og 143 í vinnusóttkví. Þetta kemur fram í tilkynningu frá Landspítala.
Hér er yfirlit yfir sjúklinga með staðfest COVID-19 smit á Landspítala
Í gær greindust 138 með Covid-19 hér á landi. Af þeim voru fimm sem tengdust landamærunum. Því greindust 133 með sjúkdóminn innanlands, samkvæmt bráðabirðgatölum almannavarna.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
