Herforingjastjórnin í Búrma (Mjanmar) sleppti Danny Fenster, bandarískum blaðamanni, úr fangelsi í dag. Herdómstóll dæmdi Fenster í ellefu ára fangelsi fyrir helgi en Fenster verður nú leyft að yfirgefa landið.
Fenster er ritstjóri vefsíðunnar Frontier Mjanmar en hann var handtekinn þegar hann hugðist snúa heim til Bandaríkjanna í maí. Hann var ákærður fyrir að brjóta innflytjendalög, samkomutakmarkanir og að hvetja til andófs gegn hernum.
Hann átti auk þess yfir höfði sér ákæru fyrir uppreisnaráróður og hryðuverk sem allt að lífstíðarfangelsi lá við.
Breska ríkisútvarpið BBC segir ekki ljóst hvers vegna yfirvöld í Búrma ákváðu að sleppa Fenster. Talið er að Bill Richardson, fyrrverandi sendiherra Bandaríkjanna, hafi samið um lausn hans en hann er nú staddur í Búrma.
Tugir blaðamanna eru enn í haldi herforingjastjórnarinnar sem rændi völdum í landinu í febrúar.
Herdómstóll í Búrma dæmdi Danny Fenster, bandarískan blaðamann, í ellefu ára fangelsi fyrir undirróður gegn hernum, brot á innflytjendalögum og samkomutakmörkunum í dag. Hann gæti hlotið enn þyngri dóm verði hann sakfelldur fyrir uppreisnaráróður og hryðjuverk.
Bandarískur blaðamaður hefur verið ákærður fyrir uppreisnaráróður og hryðjuverk í Mjanmar. Blaðamaðurinn var handtekinn í maí þegar hann reyndi að flýja landið en hefur verið í haldi hersins síðan þá.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
