Lokaumferð undankeppni HM 2022 hefst í dag og verða tveir úrslitaleikir um laust sæti í lokakeppninni í Katar í kvöld.

Í B-riðli eigast við lið Spánar og Svíþjóðar og verður leikurinn sýndur á Stöð 2 Sport 2. Spánn er með eins stigs forystu á Svíþjóð og dugar því jafntefli til að tryggja sér farseðilinn til Katar. Svíar þurfa að vinna leikinn sem fer fram í Sevilla og hefst klukkan 19.45.

Í A-riðli er staðan æsispennandi. Portúgal og Serbía eru bæði með sautján stig á toppi riðilsins og mætast í kvöld. Portúgal er með betri markatölu og nægir því jafntefli til að tryggja sér efsta sæti riðilsins og sæti á HM 2022. Leikur Portúgals og Serbíu verður sýndur á Stöð 2 Sport 3.

Martin Hermannsson og félagar hans í Valencia verða í eldlínunni í stórslag í ACB-deildinni klukkan 17.30 er þeir mæta stórliði Barca. Leikurinn verður sýndur á Stöð 2 Sport 3.

Tveir leikir eru svo sýndir í NFL-deildinni bandarísku í kvöld og verða á Stöð 2 Sport 4. Klukkan 18.00 eigast við Washington Football Team og ríkjandi meistarar Tampa Bay Buccaneers en að honum loknum mætast Green Bay Packers og Seattle Seahawks.

Í NBA-deildinni eigast við Los Angeles Lakers og San Antonio Spurs klukkan 20.30. Vegna ofangreindra breytinga verður hann sýndur á Stöð 2 Vísir.

Á Stöð 2 Sport verður einnig breyting þar sem að fresta þurfti leik Fram og Vals í Olísdeild karla. Í staðinn verður sýnt beint frá viðureign Selfoss og Víkings klukkan 19.30 á Stöð 2 Sport.

Næstsíðasta mót ársins á LPGA-mótaröðinni lýkur í kvöld þegar lokakeppnisdagurinn á Pelican Women's Championship fer fram. Bein útsending frá honum verður á Stöð 2 Golf.

Á sama tíma verður bein útsending frá lokakeppnisdeginum á Houston Open á PGA-mótaröðinni og verður hann sýndur á Stöð 2 Esport.

Bein útsending frá Turf-deildinni í Rocket League verður á rafíþróttavef Vísis.

Yfirlit yfir beinar útsendingar dagsins:

Stöð 2 Sport

19.20 Selfoss - Víkingur (Olís deild karla)

Stöð 2 Sport 2

13.50 Króatía - Rússland (Undankeppni HM 2022)

16.50 Armenía - Þýskaland (Undankeppni HM 2022)

19.35 Spánn - Svíþjóð (Undankeppni HM 2022)

21.45 Markaþáttur HM 2022

Stöð 2 Sport 3

17.20 Barca - Valencia Basket (ACB)

19.35 Portúgal - Serbía (Undankeppni HM 2022)

Stöð 2 Sport 4

18.00 Washington - Tampa Bay (NFL)

21.20 Green Bay - Seattle (NFL)

Stöð 2 Vísir

20.30 LA Lakers - SA Spurs (NBA)

Stöð 2 Golf

18.00 Pelican Women's Championship (LPGA)

Stöð 2 Esport

18.00 Houston Open (PGA)

Vísir.is

19.00 Turf-deildin (Rocket League)