Björgunarsveitum tókst í gærkvöldi að bjarga manni úr djúpum helli í Wales þar sem hann hafði legið slasaður á um 300 metra dýpi í rúma tvo daga.
Málið hafði vakið mikla athygli í Wales og brutust út mikil fagnaðarlæti við hellismunann þegar maðurinn leit loks dagsins ljós á nýjan leik.
Maðurinn, sem er reyndur hellaskoðunarmaður, festist í hellinum á laugardag eftir að hann hafði hrasað og brotið bein í andliti og fæti og skaddast á hrygg.
Um 240 manns komu að björgun mannsins en hellakerfið sem um ræðir er eitt það stærsta á Bretlandi.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
