Nýliðarnir tóku stig gegn Liverpool í sex marka leik

Yoane Wissa tryggði Brentford eitt stig þegar hann jafnaði leikinn gegn Liverpool á 82. mínútu.
Yoane Wissa tryggði Brentford eitt stig þegar hann jafnaði leikinn gegn Liverpool á 82. mínútu. James Williamson - AMA/Getty Images

Brentford tók á móti Liverpool í ensku úrvalsdeildinni í knattspyrnu í dag í leik sem bauð upp á sex mörk. Lokatölur 3-3, og nýliðarnir hafa því enn aðeins tapað einum leik í deildinni.

Varnarmaðurinn Ethan Pinnock kom Brentford yfir á 27. mínútu eftir stoðsendingu frá Ivan Toney, áður en Diogo Jota jafnaði metin fjórum mínútum síðar. 

Staðan var því 1-1 þegar að gengið var til búningsherbergja, en seinni hálfleikur var tæplega tíu mínútna gamall þegar að Mohamed Salah kom Liverpool í 2-1 forystu eftir stoðsendingu frá Fabinho.

Vitaly Janel jafnaði metin fyrir Brentford á 63. mínútu, en aðeins fjórum mínútum síðar var Curtis Jones búinn að koma Liverpool í forystu að nýju.

Yoane Wissa kom inn á sem varamaður á 78. mínútu fyrir nýliða Brentford, og hann var búinn að jafna metin á 82. mínútu leiksins.

Ivan Toney kom boltanum í netið undir lok leiksins en var réttilega dæmdur rangstæður. Lokatölur urðu því 3-3, en Liverpool fer að minnsta kosti tímabundið á topp deildarinnar með 14 stig. Brentford hefur byrjað tímabilið betur en líklega margir gerðu ráð fyrir og eru með níu stig í níunda sæti eftir fyrstu sex leiki tímabilsins

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.