Innlent

Fjóla Hrund leiðir lista Miðflokksins í Reykjavík suður

Samúel Karl Ólason skrifar
frambjodendur_rvksudur_facebook

Framboðslisti Miðflokksins í Reykjavíkurkjördæmi suður var samþykktur á félagsfundi kjördæmisins í kvöld, 26. júlí. Listinn var samþykktur með 74 prósentum greiddra atkvæða en Fjóla Hrund Björnsdóttir, framkvæmdastjóri þingflokks Miðflokksins, leiðir listann.

Í öðru sæti er Danith Chan, lögfræðingur. Í því þriðja er Snorri Þorvaldsson, eldri borgari. Í fjórða sæti er Ómar Már Jónsson, framkvæmdastjóri. Í því fimmta er Anna Björg Hjartardóttir, framkvæmdastjóri, og í því sjötta er Patience Adjahoe Karlsson, kennari.

Fjóla Hrund sigraði í ráðgefandi kosningum fyrr í mánuðinum. Það var eftir að tillaga uppstillinganefndar var felld þann 15. júlí. Á þeim lista átti Fjóla Hrund að vera í fyrsta sæti en Þorsteinn Sæmundsson, þingmaður flokksins, vildi ekki víkja.

Sjá einnig: Fjóla Hrund hafði betur gegn Þor­steini í odd­vita­kjörinu

Athygli vekur að fjórar konur eru í efstu sex sætunum en forsvarsmenn Miðflokksins vinna að því að laga ásýnd flokksins varðandi jafnræði kynjanna. Miðflokkurinn er stærsti þingflokkurinn í stjórnarandstöðu, með níu þingmenn.

Annað kvöld á svo að koma í ljós hver mun leiða lista flokksins í Suðvesturkjördæmi. Þar hafa þau Karl Gauti Hjaltason þingmaður, Guðmundur Víglundsson atvinnurekandi og Una María Óskarsdóttir varaþingmaður fyrir Gunnar Braga boðið fram krafta sína.

Listi Miðflokksins í Reykjavík suður í heild sinni:

1. Fjóla Hrund Björnsdóttir, stjórnmálafræðingur.

2. Danith Chan, lögfræðingur.

3. Snorri Þorvaldsson, eldri borgari.

4. Ómar Már Jónsson, framkvæmdastjóri.

5. Anna Björg Hjartardóttir, framkvæmdastjóri.

6. Patience Adjahoe Karlsson, kennari.

7. Finnur Daði Matthíasson.

8. Steinunn Anna Baldvinsdóttir.

9. Björn Guðjónsson.

10. Sigurður Hilmarsson.

11. Guðbjörg Ragnarsdóttir.

12. Tomasz Rosada

13. Hólmfríður Hafberg.

14. Guðlaugur Gylfi Sverrisson

15. Dorota Anna Zaroska.

16. Gígja Sveinsdóttir.

17. Svavar Bragi Jónsson.

18. Steindór Steindórsson.

19. Björn Steindórsson.

20. Örn Guðmundsson.

21. Hörður Gunnarsson.

22. Vigdís Hauksdóttir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.