Erlent

Biden hótar Pútín aðgerðum vegna rússneskra hakkara

Árni Sæberg skrifar
Leiðtogarnir tveir hittust í Genf fyrr á þessu ári.
Leiðtogarnir tveir hittust í Genf fyrr á þessu ári. Peter Klaunzer/Getty

Hvíta húsið tilkynnti í dag að Joe Biden, forseti Bandaríkjanna, hefði varað kollega sinn Vladimír Pútín við því að Bandaríkin myndu „verja þegna sína“ gegn rússneskum tölvuárásum.

Forsetarnir tveir áttu klukkutímalangan símafund í dag þar sem þeir ræddu nýlegar tölvuárásir rússneskra hakkara gegn bandarískum fyrirtækjum.

Síðustu helgi gerði rússneski tölvuþrjótahópurinn REvil árás sem olli glundroða hjá fimmtánhundruð bandarískum fyrirtækjum.

Hvíta húsið segir að Biden hafi hvatt Pútín til að hafa hemil á tölvuþrjótum í Rússlandi þar sem þeir væru orðnir alvarleg ógn við þjóðaröryggi Bandaríkjanna.

Biden sjálfur segist vera bjartsýnn eftir samtalið. Hann býst við því að yfirvöld í Moskvu muni veita Bandaríkjunum aðstoð í baráttunni gegn rússneskum hökkurum.

Bandaríkin Joe Biden Rússland Tölvuárásir

Mest lesið


Fleiri fréttir

Sjá meira


×

Mest lesið