Delta-afbrigðið breiðir úr sér í Bandaríkjunum

Atli Ísleifsson skrifar 23. júní 2021 07:39

Eftir því sem bólusettum fjölgar vestanhafs hefur orðið erfiðara að fá fólk til að þiggja bólusetningu, enda stækkar þá hlutfall óbólusettra sem hafa verulegar efasemdir um gagnsemi bólusetninga. epa/Justin Lane

Fjöldi þeirra sem hafa smitast af svokölluðu delta-afbrigði kórónuveirunnar hefur tvöfaldast í Bandaríkjunum á síðustu vikum og er afbrigðið helsta ógnin við að takast muni að uppræta faraldurinn í landinu.

Þetta sagði Anthony Fauci, helsti sóttvarnasérfræðingur Bandaríkjastjórnar, á fréttamannafundi í Hvíta húsinu í gær.

Delta-afbrigðið greindist fyrst á Indlandi og var lengi vel kallað „indverska afbrigðið“.

Eftir að delta varð ráðandi í Bretlandi hefur tilfellum þeirra sem smitast hafa af afbrigðinu fjölgað bæði í Bandaríkjunum og í öðrum Evrópuríkjum.

Gögn Alþjóðaheilbrigðisstofnunarinnar frá 62 löndum sýna að delta-afbrigðið er mun meira smitandi en nokkurt annað afbrigði kórónuveirunnar sem greinst hefur.

Bandaríkin Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.