Ungstirnið Andri Fannar Baldursson sat allan tímann á bekknum þegar lið hans, Bologna, beið lægri hlut fyrir AS Roma í ítölsku úrvalsdeildinni þar sem Borja Mayoral gerði eina markið í 1-0 sigri Rómverja.
Í B-deildinni sat Óttar Magnús Karlsson allan tímann á varamannabekk Venezia sem vann 3-0 sigur á Cosenza.
Venezia komið í 4.sæti B-deildarinnar og ljóst að liðið mun keppa í umspili um sæti í efstu deild í vor.
Bjarki Steinn Bjarkason var ekki í leikmannahópi Venezia en alls eru þrír Íslendingar á mála hjá félaginu þar sem hinn 17 ára gamli Jakob Franz Pálsson leikur með unglingaliði félagsins.
