Bólusettir geta hist grímulausir

Einnig er gefið grænt ljós á að þeir sem hafa verið bólusettir geti umgengist fólk sem er talið í lítilli hættu á að veikjast alvarlega af Covid-19. Þannig geta afar og ömmur sem hafa verið bólusettar umgengist hraust börn og barnabörn án þess að vera með grímu eða halda fjarlægð, að sögn AP-fréttastofunnar.

Um þrjátíu milljónir Bandaríkjamanna, eða um 9% þjóðarinnar, hafa nú verið bólusettar að fullu við nýju afbrigði kórónuveiru sem veldur Covid-19. Fólk er talið fullbólusett tveimur vikum eftir að það fær síðasta skammt bóluefnis.

Bandaríska sóttvarnastofnunin (CDC) kynnti nýjar leiðbeiningar sínar um smitvarnir í dag þar sem slakað er á tilmælum til þeirra sem eru fullbólusettir. Áfram er þó mælt með því að fólk sem hefur fengið fulla bólusetningu gangi með grímu, forðist stórar samkomur og haldi fjarlægð við annað fólk á opinberum stöðum. Bólusett fólk sem finnur fyrir einkennum sem gætu passað við Covid-19 er einnig ráðlagt að fara í sýnatöku.