Innlent

Níundi maðurinn úrskurðaður í gæsluvarðhald vegna manndráps við Rauðagerði

Elín Margrét Böðvarsdóttir skrifar
raudablur3
Vísir

Karlmaður á fimmtugsaldri var í dag í Héraðsdómi Reykjavíkur úrskurðaður í sex daga gæsluvarðhald, eða til föstudagsins 26. febrúar, á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á manndrápi við Rauðagerði í Reykjavík um síðustu helgi.

Þetta kemur fram í tilkynningu frá lögreglunni á höfuðborgarsvæðinu sem barst fjölmiðlum nú síðdegis. Maðurinn er sá níundi sem er úrskurðaður í gæsluvarðhald vegna málsins en ekki er hægt að veita frekari upplýsingar um málið að svo stöddu að því er segir í tilkynningunni.

Í gær voru tveir til viðbótar handteknir í tengslum við rannsókn málsins og voru þeir þá alls orðnir tíu sem voru í haldi vegna málsins. Ekki lá þá fyrir hvort farið yrði yfir gæsluvarðhald yfir þeim sem handteknir voru í gær. Nú er ljóst að að minnsta kosti annar þeirra hefur verið úrskurðaður í gæsluvarðhald.

Albanskur karlmaður á fertugsaldri er grunaður um að hafa ráðið Armando Beqirai bana fyrir utan heimili hans við Rauðagerði um síðustu helgi. Þetta herma heimildir fréttastofu. Hann var handtekinn á miðvikudag og húsleit gerð á heimili hans, þar sem ummerki eftir skotvopn fundust.

Fréttin hefur verið uppfærð.

Morð í Rauðagerði Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið