Rannsaka hvort mengun hafi valdið rafmagnsleysi á Barnaspítala Hringsins Kjartan Atli Kjartansson skrifar 21. maí 2014 15:00 Málið er tekið alvarlega innan Landspítalans. Við prófanir á vararafstöð Landspítala við Hringbraut í febrúar fór rafmagnið af hluta spítalans í um hálftíma, þar á meðal á Barnaspítala Hringsins. Þufti að flytja nýbura, í hitakössum, með hraði inn á kvennadeild spítalans, þar sem hægt var að koma hitakössunum í samband. Ein af hugsanlegum skýringum á bilun í vararafstöð er brennisteinsvetnismengun í andrúmsloftinu. Sem dæmi valda jarðboranir á Hengilssvæðinu brennisteinsvetnismengun en mikið magn af því kemur þaðan. Brennisteinsvetnið fer út í andrúmsloftið og getur skaðað heilsu fólks og haft áhrif á rafmagn. „Þetta er í sjálfu sér ekki flókið mál,“ segir Kristinn Andersen, rafmangsverkfræðingur og formaður Verkfræðingasambands Íslands og heldur áfram: „Í andrúmsloftinu eru til staðar efni, eins og brennisteinssambönd, sem ganga í efnasamband við málma þannig að þunn húð myndist á yfirborði þeirra. Þessi húð getur meðal annars myndast á tengingum og rofum í raftækjum, yfirleitt eftir nokkurn tíma, og valdið sambandsleysi. Þessi efni mynda einmitt slíka húð á yfirborði silfurs og kopars, þá málma sem mikið eru notaðir í rafbúnaði.“Landspítalinn við Hringbraut.Ítarleg rannsókn „Við erum að skoða hvort að brennsteinsvetnismengun sé orsakavaldurinn að þessari bilun - við rannsökum hugsanleg áhrif brennisteinsvetnis í andrúmsloftinu á snertur í stjórnbúnaðinum." segir Ingólfur Þórisson, framkvæmdastjóri rekstrarsviðs Landspítalans. Bilunin er litin mjög alvarlegum augum innan Landspítalans. „Þetta veldur okkur áhyggjum. Málið hefur verið rannsakað ítarlega síðan þetta kom upp. Nefnd var sett á stofn og svokölluð rótargreining fór í gang. Í nefndinni starfa rafmagnstæknifræðingar, verkfræðingar og fagfólk innan heilbrigðisgeirans og með nefndinni starfa sérfræðingar utan spítalans," segir Ingólfur.Búnaðurinn á að vera í lagiIngólfur segir að vararafstöðin eigi að vera komin í samt lag. "Búið er að kaupa nýjar snertur í vararafstöðina og verið að setja upp búnað sem hreinsar loftið sem fer inn í aðaltöflurherbegið þar sem stjórnbúnaðurinn er." Vararafstöð Landspítalans er prófuð einu sinni í mánuði. Ingólfur segist ekki geta sagt til hvenær rannsókn nefndarinnar lýkur.Hengilssvæðið.Heilbrigðisnefnd vill minna brennisteinsvetni Á fundi Heilbrigðisnefndar Hafnafjarðar- og Kópavogssvæðisins í febrúar var erindi frá Umhverfis- og auðlindaráðuneytinu til umfjöllunar, þar em óskað var eftir umsögn um ósk Orkuveitu Reykjavíkur um undanþágu frá hertum ákvæðum sem snúa að losun brennisteinsvetnis út í andrúmsloftið. Holurnar á Hengilssvæðinu eru á vegum Orkuveitunnar. Í fundargerð segir:„Lagt fram erindi Umhverfis- og auðlindaráðuneytis frá 24. febrúar 2014 þar sem óskað er umsagnar um erindi Orkuveitu Reykjavíkur dags. 12. febrúar s.l. þar sem sótt er um undanþágu frá hertum ákvæðum í reglugerð nr. 514/2010 um styrk brennisteinsvetnis í andrúmslofti. Heilbrigðisnefnd gerði eftirfarandi samþykkt: ,,Heilbrigðisnefnd telur reglugerð nr. 514/2010 vera vandaða. Sérhver ákvörðun um að draga úr kröfum um hámarksstyrk brennisteinsvetnis í andrúmslofti þarf að byggja á sterkum grunni, þar sem hafa þarf í huga afar rík varúðarsjónarmið varðandi heilsu íbúa nærliggjandi byggða. Heilbrigðisnefnd er ekki kunnugt um rannsóknir sem gefa tilefni til breytinga á reglugerðinni.“ Heilbrigðisnefnd benti einnig á að að skólahúsnæði er þarna skammt frá:Einnig vekur nefndin athygli á að í Kópavogi er staðsett kennsluhúsnæði í Lækjarbotnum og rekin þar grunnskóli og leikskóli. Þar eru einnig íbúðarhús og skammt frá eru frístundahús og tvö býli. Vöktun loftgæða á vegnum heilbrigðisnefndar hefur farið fram í Lækjarbotnum í færanlegri mælistöð um nokkurt skeið. Tekin hefur verið saman greinargerð um niðurstöður mælinga á brennisteinsvetni fyrir tímabilið frá 19. september 2012 til 29. janúar 2014. Styrkur brennisteinsvetnis hefur verið umtalsverður á þessu tímabili og þá einkum á rekstrartíma skólans. Mestur styrkur er þegar hægir vindar blása frá virkjanasvæðinu á Hellisheiði í átt að Lækjarbotnum. Mótvægisaðgerðir vegna skólahalds í Lækjarbotnum hafa ekki verið kynntar heilbrigðisnefnd og eru því enn frekari rök er mæla með að undanþágunni verði hafnað." Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður „Ódýrt“ að gera samningana tortryggilega Innlent Forsetavaktin 2024: Hver verður sjöundi forseti lýðveldisins? Innlent Sú sem var oftast nefnd ekki ein af fjórum efstu í könnunum Innlent Ný sýn fékk meirihluta Innlent Fleiri fréttir Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi Sjá meira
Við prófanir á vararafstöð Landspítala við Hringbraut í febrúar fór rafmagnið af hluta spítalans í um hálftíma, þar á meðal á Barnaspítala Hringsins. Þufti að flytja nýbura, í hitakössum, með hraði inn á kvennadeild spítalans, þar sem hægt var að koma hitakössunum í samband. Ein af hugsanlegum skýringum á bilun í vararafstöð er brennisteinsvetnismengun í andrúmsloftinu. Sem dæmi valda jarðboranir á Hengilssvæðinu brennisteinsvetnismengun en mikið magn af því kemur þaðan. Brennisteinsvetnið fer út í andrúmsloftið og getur skaðað heilsu fólks og haft áhrif á rafmagn. „Þetta er í sjálfu sér ekki flókið mál,“ segir Kristinn Andersen, rafmangsverkfræðingur og formaður Verkfræðingasambands Íslands og heldur áfram: „Í andrúmsloftinu eru til staðar efni, eins og brennisteinssambönd, sem ganga í efnasamband við málma þannig að þunn húð myndist á yfirborði þeirra. Þessi húð getur meðal annars myndast á tengingum og rofum í raftækjum, yfirleitt eftir nokkurn tíma, og valdið sambandsleysi. Þessi efni mynda einmitt slíka húð á yfirborði silfurs og kopars, þá málma sem mikið eru notaðir í rafbúnaði.“Landspítalinn við Hringbraut.Ítarleg rannsókn „Við erum að skoða hvort að brennsteinsvetnismengun sé orsakavaldurinn að þessari bilun - við rannsökum hugsanleg áhrif brennisteinsvetnis í andrúmsloftinu á snertur í stjórnbúnaðinum." segir Ingólfur Þórisson, framkvæmdastjóri rekstrarsviðs Landspítalans. Bilunin er litin mjög alvarlegum augum innan Landspítalans. „Þetta veldur okkur áhyggjum. Málið hefur verið rannsakað ítarlega síðan þetta kom upp. Nefnd var sett á stofn og svokölluð rótargreining fór í gang. Í nefndinni starfa rafmagnstæknifræðingar, verkfræðingar og fagfólk innan heilbrigðisgeirans og með nefndinni starfa sérfræðingar utan spítalans," segir Ingólfur.Búnaðurinn á að vera í lagiIngólfur segir að vararafstöðin eigi að vera komin í samt lag. "Búið er að kaupa nýjar snertur í vararafstöðina og verið að setja upp búnað sem hreinsar loftið sem fer inn í aðaltöflurherbegið þar sem stjórnbúnaðurinn er." Vararafstöð Landspítalans er prófuð einu sinni í mánuði. Ingólfur segist ekki geta sagt til hvenær rannsókn nefndarinnar lýkur.Hengilssvæðið.Heilbrigðisnefnd vill minna brennisteinsvetni Á fundi Heilbrigðisnefndar Hafnafjarðar- og Kópavogssvæðisins í febrúar var erindi frá Umhverfis- og auðlindaráðuneytinu til umfjöllunar, þar em óskað var eftir umsögn um ósk Orkuveitu Reykjavíkur um undanþágu frá hertum ákvæðum sem snúa að losun brennisteinsvetnis út í andrúmsloftið. Holurnar á Hengilssvæðinu eru á vegum Orkuveitunnar. Í fundargerð segir:„Lagt fram erindi Umhverfis- og auðlindaráðuneytis frá 24. febrúar 2014 þar sem óskað er umsagnar um erindi Orkuveitu Reykjavíkur dags. 12. febrúar s.l. þar sem sótt er um undanþágu frá hertum ákvæðum í reglugerð nr. 514/2010 um styrk brennisteinsvetnis í andrúmslofti. Heilbrigðisnefnd gerði eftirfarandi samþykkt: ,,Heilbrigðisnefnd telur reglugerð nr. 514/2010 vera vandaða. Sérhver ákvörðun um að draga úr kröfum um hámarksstyrk brennisteinsvetnis í andrúmslofti þarf að byggja á sterkum grunni, þar sem hafa þarf í huga afar rík varúðarsjónarmið varðandi heilsu íbúa nærliggjandi byggða. Heilbrigðisnefnd er ekki kunnugt um rannsóknir sem gefa tilefni til breytinga á reglugerðinni.“ Heilbrigðisnefnd benti einnig á að að skólahúsnæði er þarna skammt frá:Einnig vekur nefndin athygli á að í Kópavogi er staðsett kennsluhúsnæði í Lækjarbotnum og rekin þar grunnskóli og leikskóli. Þar eru einnig íbúðarhús og skammt frá eru frístundahús og tvö býli. Vöktun loftgæða á vegnum heilbrigðisnefndar hefur farið fram í Lækjarbotnum í færanlegri mælistöð um nokkurt skeið. Tekin hefur verið saman greinargerð um niðurstöður mælinga á brennisteinsvetni fyrir tímabilið frá 19. september 2012 til 29. janúar 2014. Styrkur brennisteinsvetnis hefur verið umtalsverður á þessu tímabili og þá einkum á rekstrartíma skólans. Mestur styrkur er þegar hægir vindar blása frá virkjanasvæðinu á Hellisheiði í átt að Lækjarbotnum. Mótvægisaðgerðir vegna skólahalds í Lækjarbotnum hafa ekki verið kynntar heilbrigðisnefnd og eru því enn frekari rök er mæla með að undanþágunni verði hafnað."
Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður „Ódýrt“ að gera samningana tortryggilega Innlent Forsetavaktin 2024: Hver verður sjöundi forseti lýðveldisins? Innlent Sú sem var oftast nefnd ekki ein af fjórum efstu í könnunum Innlent Ný sýn fékk meirihluta Innlent Fleiri fréttir Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi Sjá meira