Mourinho sendi Ranieri stuðningskveðju á Instagram

Þeir eru margir sem syrgja örlög Ítalans Claudio Ranieri hjá Leicester City og einn þeirra er Jose Mourinho, stjóri Man. Utd.

Ranieri var rekinn í gær þó svo honum hefði tekist hið ómögulega á síðustu leiktíð. Að gera lið Leicester að Englandsmeisturum.

„Meistari á Englandi og þjálfari ársins hjá FIFA. Rekinn. Svona er nýi fótboltinn Claudio. Haltu áfram að brosa félagi. Það getur enginn strokað yfir þann árangur sem þú náðir,“ skrifaði Mourinho til kollega síns.

Mourinho þekkir þessa stöðu sjálfur mjög vel en hann var rekinn frá Chelsea tímabilið eftir að hann gerði Chelsea að meisturum árið 2014.

Mourinho var rekinn fyrr eða í desember. Þá var hann einmitt nýbúinn að tapa gegn Ranieri og Leicester City.

CHAMPION OF ENGLAND and FIFA MANAGER of THE YEAR⚽.sacked. Thats the new football claudio.keep smiling AMICO.nobody can delete the history you wrote.

A post shared by Jose Mourinho (@josemourinho) on Feb 23, 2017 at 3:18pm PST