Útgönguspár benda til sigurs Komorowski

Útgönguspár benda til þess að Bronislaw Komorowski hafi sigrað í seinni umferð forsetakosninganna í Póllandi sem fram fóru í dag. Samkvæmt þeim fær Komorowski 53% atkvæða en mótframbjóðandi hans, Jaroslaw Kaczynski, 47%.

Kaczynski er tvíburabróðir Lech Kacyniski fyrrverandi forseta sem fórst í flugslysi í Rússlandi fyrr á árinu en Komorowski er fyrrverandi forseti þingsins og hefur gegnt embætti forseta síðan Lech Kaczynski lést.

Kjörstöðum var lokað klukkan sex. Ekki er búist við lokatölum fyrr en á morgun.