Sænski rithöfundurinn Maj Sjöwall er látin, 84 ára að aldri.

Sjöwall er best þekkt fyrir bækurnar um rannsóknarlögreglumanninn Martin Beck en bækurnar skrifaði hún ásamt sambýlismanni sínum, Per Wahlöö.

Alls komu út tíu bækur eftir þau um Beck og hafa þær verið þýddar á yfir fjörutíu tungumál, meðal annars á íslensku.

Wahlöö lést árið 1975. Eftir andlát hans sendi Sjöwall frá sér nokkrar skáldsögur auk þess sem hún þýddi fjölda bóka yfir á sænsku.