Johnson og Symonds eignuðust dreng

Boris Johnson, forsætisráðherra Bretlands, og Carrie Symonds, unnusta hans, hafa eignast son. Sá fæddist á sjúkrahúsi í London í morgun og heilsast öllum sem að koma vel, samkvæmt tilkynningu.

Talsmaður parsins sagði við fjölmiðla að þau vildu senda þakklætiskveðjur til starfsmanna heilbrigðiskerfis Bretlands.

Johnson smitaðist eins og frægt er af nýju kórónuveirunni og var hann lagður inn á gjörgæslu vegna veikindanna. Hann var útskrifaður þann 12. apríl og sneri aftur til vinnu á mánudaginn.

Johnson og Symonds opinberuðu óléttuna í febrúar og tilkynntu þá einnig að þau hefðu trúlofað sig.