Robben hefur samþykkt samningstilboð Real Madrid

Hollenski landsliðsmaðurinn Arjen Robben hjá Chelsea hefur samþykkt að ganga í raðir Real Madrid og hefur þegar samþykkt samningstilboð frá félaginu. Chelsea og Real Madrid hafa þó enn ekki komist að samkomulagi um kaupverðið. Þetta kemur fram á vef breska sjónvarpsins.

Talið er að kaupvirðið sé um 15 milljónir punda og mun Robben væntanlega fljúga beint til Spánar til að skrifa undir ef samningar nást milli félaganna. Þá er því haldið fram að Chelsea muni kaupa landa hans Royston Drenthe frá Feyenoord til að fylla skarð hans og mun hinn 20 vængmaður kosta um 7 milljónir punda.