Ungbarn með COVID-19 lést í Bandaríkjunum

Sylvía Hall skrifar 28. mars 2020 23:29

J.B. Pritzker ríkisstjóri Illinois staðfesti í dag að ungbarn með kórónuveiruna sem veldur COVID-19 sjúkdómnum hefði látist. Ekki væri búið að ganga úr skugga um hver dánarorsök væri og því ekki vitað hvort barnið hefði látist af völdum kórónuveirunnar.

Engar frekari upplýsingar voru gefnar upp um barnið aðrar en þær að það hefði verið frá Cook-sýslu, þar sem stórborgin Chicago er meðal annars. Þá var ekki gefið út hvort barnið hefði verið með undirliggjandi sjúkdóma eða önnur heilsufarsvandamál.

Börn og ungmenni hafa ekki verið talin í mikilli áhættu vegna kórónuveirufaraldursins sem nú geisar um heiminn og bendir tölfræðin til þess að þau veikist síður alvarlega og fái vægari einkenni.

Eldra fólk og fólk með undirliggjandi sjúkdóma er í meiri hættu á að veikjast alvarlega.

Faraldur kórónuveiru (COVID-19) Bandaríkin

Tengdar fréttir

112.000 smitaðir í Bandaríkjunum

Faraldurinn í Bandaríkjunum er að taka á sig sína verstu mynd en fleiri en hundrað þúsund hafa smitast af kórónuveirunni og um átján hundruð eru látnir.

28. mars 2020 18:45

Elon Musk útvegar öndunarvélar

Elon Musk hyggst gefa New York hundruð öndunarvélar til þess að bregðast við þeim skorti sem er í ríkinu.

27. mars 2020 23:00

Yfir hundrað þúsund staðfest smit í Bandaríkjunum

Bandaríkin tróna á toppi listans yfir þau lönd þar sem flest smit hafa greinst. Áður hafa Kína og Ítalía vermt hið óeftirsótta toppsæti.

28. mars 2020 07:37

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.