Erlent

Loft­á­rásir Ísraela eftir eld­flaugar­á­rás Palestínu­manna

Kjartan Kjartansson skrifar
Ísraelsk herþota. Myndin er úr safni.
Ísraelsk herþota. Myndin er úr safni. Vísir/EPA

Ísraelski herinn gerði loftárásir á Gasaströndinni eftir að herskáir Palestínumenn skutu eldflaugum inn í Ísrael í gærkvöldi. Engan sakaði í árásunum en lögreglan í Ísrael segir að verksmiðja í borgini Ashkelon hafi skemmst þegar hún varð fyrir palestínsku eldflauginni.

Sjónarvottar sem Reuters-fréttastofan ræddi við sögðust hafa séð ísraelsk flugskeyti hæfa nokkra staði í Gasaborg og í Rafah og Khan Younis á sunnanverðri Gasaströndinni fyrir sólarupprás í morgun. Logar og reykur steig upp á nokkrum stöðum.

Talsmenn ísraelska hersins fullyrða að loftárásirnar hafi beinst að eldflaugaverksmiðjum Hamas-samtakanna sem fara með völdin á Gasa, neðanjarðarbirgi og þjálfunarbúðum, að sögn AP-fréttastofunnar.

Enginn hópur hefur enn lýst yfir ábyrgð á eldflaugunum sem var skotið frá Gasaströndinni í gærkvöldi en Ísraelar skella skuldinni á Hamas. Ísraelsher og samtökin háðu stríð árið 2014 en minni skærur hafa átt sér stað síðan. Tiltölulega friðsamlegt hefur þó verið á Gasa undanfarna mánuði.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.